ডিজিটেল ডেস্কঃ অপহৰণ কৰা হ’ল নেকি কপিল দেৱক! ভাৰতৰ প্ৰাক্তন অ’পেনাৰ গৌতম গম্ভীৰে সামাজিক মাধ্যমত শ্বেয়াৰ কৰা এটা ভিডিঅ’ ক্লিপৰ পৰা এই প্ৰশ্ন উত্থাপন হৈছে।
ভাৰতৰ প্ৰাক্তন অধিনায়ক কপিল দেৱক ৰছীৰে বান্ধি লৈ যোৱাৰ ভিডিঅ’ আপলোড কৰি অনুৰাগীক স্তম্ভিত কৰি তুলিছিল গম্ভীৰে। ভিডিঅ’ত দেখা যায় যে দুজন লোকে কপিল দেৱক এটা কোঠাৰ ভিতৰলৈ লৈ গৈছিল। লগে লগে ভিডিঅ’টো ভাইৰেল হৈ পৰে।
গম্ভীৰ ভিডিঅ’টোৰ কেপচনত এইদৰে লিখিছে, “আন কোনোবাইও এই ক্লিপটো লাভ কৰিছেনে? আশাকৰোঁ কপিল পাজী ভালেই আছে!’’
মন কৰিবলগীয়া যে ভিডিঅ’টোৰ বিষয়ে একো নিশ্চিত কৰিব পৰা হোৱা নাই। নেটিজেনসকলে এই ক্লিপটো এড ক্লিপৰ বুলি আঙুলিয়াই দি গম্ভীৰক বিভ্ৰান্তিকৰ যেন লগা এনে ভিডিঅ’ শ্বেয়াৰ কৰাৰ পৰা বিৰত থাকিবলৈ পৰামৰ্শ দিয়ে।
