অৱশেষত গ্ৰেপ্তাৰ হ'ল শ্বেৰমান: 'বিনা চৰ্তে মুক্তি দিয়ক' নহ'লে তীব্ৰ আন্দোলনৰ হুংকাৰ দিলে কোনে?

ডিজিটেল ডেস্ক : 'অসম দেশৰ বিষম কথা'- নানা জাতি-জনজাতীয়ৰে পৰিপুষ্ট ৰাজ্যখনত বিগত কেইদিনমান ধৰি শ্বেৰমানৰ প্ৰশংগই বাতৰিৰ শিৰোনাম দখল কৰিছে৷ বিধায়ক শ্বেৰমান আলীক গ্ৰেপ্তাৰৰ দাবীয়ে উত্তাল কৰিছিল ৰাজ্যৰ ৰাজপথ৷ অৱশেষত ছহিদক অপমান কৰি শনিবাৰে সন্ধিয়া বিধায়ক আৱাসৰ পৰা গ্ৰেপ্তাৰ হৈছিল শ্বেৰমান৷ গ্ৰেপ্তাৰ হোৱাৰ কিছু ঘণ্টাৰ পাছতেই বিধায়কগৰাকীৰ মুক্তিৰ দাবী তোলে একাংশই৷ বাঘবৰৰ বিধায়ক শ্বেৰমান আলী আহমেদক মুক্তিৰ দাবীত কলগাছিয়াৰ মইনবড়ীত ৰাইজৰ উত্তাল প্ৰতিবাদ সাব্যস্ত কৰে।

অসম আৰক্ষীয়ে শ্বেৰমান আলী আহমেদক গ্ৰেপ্তাৰ কৰাৰ পিছত জাঙুৰ খাই উঠিছে বাঘবৰ সমষ্টিৰ একাংশ ৰাইজ। শনিবাৰে নিশাৰ ভাগত মইনবড়ী বজাৰত বিধায়ক আলীৰ মুক্তিৰ দাবীত এইদৰে প্ৰতিবাদ সাব্যস্থ কৰে ৰাইজে ৷ প্ৰতিবাদকাৰী সকলৰ মতে, বিধায়ক শ্বেৰমান আলীক বিনা চৰ্তে মুক্তি দিয়ক, শ্বেৰমান আলী জিন্দাবাদ আদি শ্লগানেৰে উত্তাল কৰি তোলে মইনবড়ী বজাৰ৷ নহ'লে তীব্ৰ আন্দোলন কৰাৰো হুংকাৰ ৰাইজৰ৷

ইতিমধ্যে পানবজাৰ থানাত আৰক্ষীৰ জিম্মাত আছে আলী৷ কেইবাটাও গোচৰত গ্ৰেপ্তাৰ হয় বিধায়ক শ্বেৰমান৷ তেওঁৰ ওপৰত ৰুজু কৰিছে কেইবাটাও ধাৰা৷ গীতানগৰ থানাত ৰুজু IPC 407 নং ধাৰাৰ গোচৰ, পানবজাৰ থানাত ৰুজু IPC ৫১০ নং ধাৰাৰ গোচৰ৷ আনহাতে দিছপুৰ থানাতো ৰুজু হৈ আছে গোচৰ৷ উল্লেখ্য যে, দয়া শৰ্মাসহ ৮ জন ছহিদক ঘাতক আখ্যা দিছিল শ্বেৰমানে৷ আৰু তাৰপাছতেই ৰাজ্যজুৰি সৃষ্টি হৈছিল তীব্ৰ প্ৰতিবাদ৷ যাৰবাবে দিছপুৰ আৰক্ষীয়ে গ্ৰেপ্তাৰ কৰে কংগ্ৰেছ বিধায়কজনক৷ নিশাই মনেন্দ্ৰ মোহন চৌধুৰী হাস্পতালত শ্বেৰমান আলীৰ স্বাস্থ্য পৰীক্ষা কৰায়৷ নিশা পাণবজাৰ থানাত ৰখা হয় আলীক৷