ডিজিটেল ডেস্কঃ অসম আন্দোলনৰ শ্বহীদৰ বিৰুদ্ধে অপমানসূচক মন্তব্য কৰি সমগ্ৰ অসমতে ক্ষোভৰ জ্বলোৱাৰ পাছত কৃতকৰ্মৰ ফল ভুগিছে বিতৰ্কিত বিধায়ক শ্বেৰমান আলীয়ে। ৰাজ্যজুৰি তীব্ৰ প্ৰতিবাদ সাব্যস্ত হোৱাৰ পাছতেই জামিনবিহীন ধাৰাৰ অধীনত গ্ৰেপ্তাৰ কৰা হয় বহুবল্কী বিধায়কজনক। ভাৰতীয় দণ্ডবিধিৰ ১৫৩, ১৫৩(ক), ২৯৪, ৫০০ ধাৰাৰ অধীনত বিধায়কজনক গ্ৰেপ্তাৰ কৰি ৩৫৯৮/২১ নম্বৰত এক গোচৰ ৰুজু কৰা হয়।
সাধাৰণ অপৰাধীৰ দৰে পাণবজাৰ থানাত ৰখা হৈছে বিধায়ক শ্বেৰমান আলীক৷ থানাৰ ভিতৰেৰে খাদ্য খাবলৈ দিয়া হৈছে শ্বেৰমান আলীক৷ লকআপৰ বাহিৰত চকীত বহুৱাই ৰখা হৈছে বিধায়কগৰাকীক৷ মধুমেহ, উচ্চ ৰক্তচাপ,হৃদৰোগত আক্ৰান্ত হৈ থকাৰ বাবে শ্বেৰমান আলীক কিছু সময়ৰ পিছতে স্বাস্থ্য পৰীক্ষাৰ বাবে লৈ যোৱা হ'ব MMCHলৈ৷
উল্লেখ্য যে অসম প্ৰদেশ কংগ্ৰেছৰ সভাপতি ভূপেন বৰাই আজি শ্বেৰমান আলীক নিলম্বনৰো নিৰ্দেশ দিয়ে। প্ৰদেশ কংগ্ৰেছৰ সাধাৰণ সম্পাদক ববিতা শৰ্মাই স্বাক্ষৰ কৰা বিবৃতিত কোৱা হৈছে যে দলীয় শৃংখলা ভংগৰ অভিযোগতে শ্বেৰমান আলীক দলৰ পৰা নিলম্বন কৰা হৈছে।
Continue Reading
