ডিজিটেল ডেস্কঃ আপুনি বাৰু কিমান দিনৰ মূৰত দাড়ি কাটে। আপুনি শুনি আচৰিত হ'ব যে এজন ব্যক্তিয়ে ২১ বছৰৰ মূৰত দাড়ি কাটিছে। ব্যক্তিজন ছত্তীশগড়ৰ বাসিন্দা। তেওঁ বিশেষ এটা ইচ্ছা পূৰণ নোহোৱালৈকে দাড়ি নাকাটো বুলি সংকল্প লৈছিল। মানেন্দ্ৰগড়-চিৰমিৰি-ভাৰতপুৰ (এমচিবি) নতুন জিলা নোহোৱালৈকে দাড়ি নাকাটো বুলি শপত খাইছিল ব্যক্তিজনে। শুকুৰবাৰে ছত্তীশগড় চৰকাৰে এম চি বিক ৰাজ্যৰ ৩২ নং জিলা হিচাপে স্বীকৃতি দিয়াৰ লগে লগে তেওঁৰ সংকল্প পূৰণ হয়।
এই ব্যক্তিজনৰ নাম ৰামশংকৰ গুপ্তা। তেওঁ এজন আৰটিআই কৰ্মী আৰু মহেন্দ্ৰগড়ৰ বাসিন্দা। মনেন্দ্ৰগড়-চিৰমিৰি-ভাৰতপুৰক নতুন জিলা হিচাপে ঘোষণা কৰা হয়। নিজৰ সংকল্প পূৰণ হোৱাৰ বাবে ২১ বছৰৰ পাছত দাড়ি কাটে ৰামশংকৰ গুপ্তাই।
গুপ্তাই প্ৰথমখন স্মাৰক পত্ৰ প্ৰদান কৰে এমচিবি জিলাৰ উপায়ুক্তক। ইয়াত তেওঁ লিখিছে, ‘মনেন্দ্ৰগড়-চিৰমিৰি-ভাৰতপুৰ জিলা গঠন নোহোৱালৈকে মই মোৰ দাড়ি নাকাটো বুলি সংকল্প লৈছিলোঁ। যদি মনেন্দ্ৰগড়-চিৰমিৰি-ভাৰতপুৰক জিলা বুলি ঘোষণা নকৰা হলে মই কেতিয়াও দাড়ি নাকাটিলোহেঁতেন। এয়া ৪০ বছৰীয়া সংগ্ৰাম। যিসকল লোকে প্ৰকৃততে জিলাৰ বাবে যুঁজিছিল, তেওঁলোক এতিয়া এই পৃথিৱীত নাই। অৱশ্যে এতিয়া তেওঁলোকৰ আত্মাই শান্তিৰে জিৰণি ল’ব।
ছত্তীশগড়ৰ মুখ্যমন্ত্ৰী ভূপেশ বাঘেলে শুকুৰবাৰে ৰাজ্যৰ দুখন নতুন জিলা গঠনত অনুমোদন জনায়। ইয়াৰ লগে লগে ৰাজ্যৰ মুঠ জিলাৰ সংখ্যা এতিয়া ৩৩ খনলৈ বৃদ্ধি পাইছে। ৰাজ্যিক জনসংযোগ বিভাগৰ বিষয়াসকলে জনোৱা মতে, মুখ্যমন্ত্রী বাঘেলে দুখন নতুন জিলা মানেন্দ্ৰগড়-চিৰমিৰি-ভাৰতপুৰ আৰু শক্তি গঠনত অনুমোদন জনায়৷ উল্লেখযোগ্য যে প্ৰায় চাৰি বছৰৰ শাসনকালত ৰাজ্যত ৬খন নতুন জিলা, ৮৫খন নতুন তহচিল, বহু মহকুমা আৰু উপ-তেহচিল গঠন হৈছিল।
Continue Reading
