ডিজিটেল ডেস্কঃ ১৯ বছৰৰ অন্তত মুক্তিলাভ কৰিব ‘বিকিনি কিলাৰ’ চাৰ্লছ শোভৰাজে৷ নেপালৰ জেলত সম্প্ৰতি কাৰাৰুদ্ধ হৈ আছে ফৰাচীমূলীয় শোভৰাজ৷ সংবাদ সংস্থা এএনআইয়ে এই কথা জনাইছে৷
উল্লেখ্য যে সত্তৰ আৰু আশীৰ দশকত থাইলেণ্ডকে ধৰি বিভিন্ন দেশত মহিলা পৰ্যটকসকল শোভৰাজৰ চিকাৰ হৈছিল৷ বিশেষকৈ বিকিনি পৰিহিতা মহিলাসকলক এওঁ মাদকদ্ৰব্য খুৱাই হত্যা কৰিছিল৷
হত্যাকাণ্ডসমূহৰ ধৰণ দেখি তেওঁক স্প্লিটিং কিলাৰ আখ্যা দিয়া হৈছিল৷ প্ৰতিটো হত্যাকাণ্ড সংঘটিত কৰাৰ পাছতে তেওঁ বিভিন্ন কায়দাৰে পলায়ন কৰিবলৈ সক্ষম হয়৷ আনকি জেলৰ পৰাও কেইবাবাৰো পলায়ন কৰি আহিছে৷ সেইবাবে তেওঁক ‘দা চাৰপেণ্ট’ আখ্যা দিয়া হয়৷
বিশ্বৰ অন্যতম কুখ্যাত এই চিৰিয়েল কিলাৰগৰাকীয়ে ভাৰতৰ তিহাৰ জেলতো আছিল দীৰ্ঘদিন ধৰি কাৰাৰুদ্ধ হৈ আছিল৷ দিল্লীত ৩ গৰাকী পৰ্যটক মহিলাক এওঁ বিষ খুৱাই হত্যা কৰিছিল৷ কিন্তু তিহাৰ জেলৰ পৰা ১৯৮৬ চনত পলাবলৈ সক্ষম হৈছিল শোভৰাজ৷ কিন্তু কিছুদিন পাছতে গোৱাৰ এখন ৰেষ্টুৰাঁৰ পৰা পুনৰ গ্ৰেপ্তাৰ কৰা হয়৷
১৯৯৭ চনত ভাৰতৰ পৰা মুক্তিলাভ কৰি ফ্ৰান্সলৈ ঘূৰি যায় শোভৰাজ৷ তাৰপাছত নেপাললৈ আহে তেওঁ৷ নেপালত আন এটা হত্যাকাণ্ডৰ বাবে তেওঁক গ্ৰেপ্তাৰ কৰা হয়৷
১৯৭৫ চনত নেপালৰ কাঠমাণ্ডুত দুগৰাকী পৰ্যটকক হত্যা কৰিছিল শোভৰাজে৷ নেপালৰ আদালতে যাজ্জীৱন কাৰাদণ্ড বিহিছিল শোভৰাজৰ ওপৰত৷ তাৰপাছতে নেপালৰ চুপ্ৰীম কোৰ্টত মুক্তিৰ আবেদন কৰিছিল বিকিনি কিলাৰগৰাকীয়ে৷ অৱশেষত এই আৱেদন মঞ্জুৰ কৰে৷
একাধিক ভাষাত পাৰদৰ্শী শোভৰাজৰ আকৰ্ষণীয় ব্যক্তিত্ব আৰু সুদৰ্শন চেহেৰাৰ বাবে মহিলাসকল সহজে আকৰ্ষিত হৈ উঠে৷
Continue Reading
