ডিজিটেল ডেস্ক: অৱশেষত অস্ত্ৰ অনুজ্ঞাপত্ৰ লাভ কৰিলে বলীউডৰ ছুপাৰষ্টাৰ ছলমান খানে৷ অভিনেতা ছলমান খানে মৃত্যুৰ ভাবুকিৰ লাভ কৰাৰ পাছতে অস্ত্ৰৰ অনুজ্ঞাপত্ৰৰ বাবে আবেদন কৰিছিল আৰু আজি তেওঁ অনুজ্ঞাপত্ৰ লাভ কৰে।
অভিনেতা ছলমান খানে শেহতীয়াকৈ লাভ কৰা ভাবুকিপত্ৰৰ পাছত আত্মসুৰক্ষাৰ বাবে আবেদন কৰাৰ পিছত তেওঁলৈ অস্ত্ৰ অনুজ্ঞাপত্ৰ জাৰি কৰা হৈছে বুলি মুম্বাই আৰক্ষীয়ে সদৰী কৰিছে। ২৯ মে’ত পঞ্জাবৰ জনপ্ৰিয় সংগীতশিল্পী সিদ্ধু মুছেৱালাক গুলীয়াই হত্যা কৰাৰ কেইদিনমান পিছতে জুনৰ আৰম্ভণিতে অভিনেতাজন আৰু তেওঁৰ দেউতাকক মৃত্যুৰ ভাবুকি দিয়া দেখা গৈছিল।
যোৱামাহত খানে মুম্বাই আৰক্ষী আয়ুক্তক লগ কৰাৰ পিছত অনুজ্ঞাপত্ৰ জাৰি কৰ্তৃপক্ষই প্ৰয়োজনীয় তদন্ত আৰম্ভ কৰিছিল।
উল্লেখযোগ্য যে, অভিনেতাজনে যোৱা মাহৰ শেষৰ ফালে মুম্বাই আৰক্ষীৰ মুখ্য কাৰ্যালয়লৈ গৈ বন্দুকৰ অনুজ্ঞাপত্ৰৰ বাবে শীৰ্ষ আৰক্ষী বিবেক ফানচালকাৰক সাক্ষাৎ কৰিছিল।
Continue Reading
