ডিজিটেল ডেস্কঃ অসমৰ চুবুৰীয়া ৰাজ্য মণিপুৰত বুজন পৰিমাণৰ নিষিদ্ধ মাদক দ্ৰব্য জব্দ কৰা হৈছে। মণিপুৰৰ পৃথক পৃথক স্থানত নিষিদ্ধ মাদক দ্ৰব্যৰ বিৰুদ্ধে অভিযান চলাইছিল অসম ৰাইফলছে। এই অভিযানত উদ্ধাৰ হয় প্ৰায় ৫ কোটি ৮৪ লাখ টকাৰ হেৰ’ইন আৰু পপি।
শনিবাৰ আৰু দেওবাৰে অসম ৰাইফলছে মণিপুৰৰ চাণ্ডেল জিলাৰ ট্ৰেক জংচন আৰু খুলমুলেন গাঁৱত অভিযান চলাইছিল। অভিযানৰ সময়চোৱাত এটা পৰিত্যক্ত বেগ আৰু এখন দুচকীয়া বাহনৰ পৰা হেৰ'ইন আৰু পপি খিনি জব্দ কৰে অসম ৰাইফলছে।
অভিযানত মুঠ ১০.৬৪২ কেজি হেৰ’ইন জব্দ কৰাৰ বিপৰীতে পপি জব্দ কৰা হয় ৮.২৬০ কিলোগ্ৰাম।
জব্দকৃত হেৰ'ইনৰ মূল্য ৫.৩৮ কোটি আৰু পপি খিনিৰ মুল্য ৫৬ লাখ টকা বুলি সদৰী কৰিছে অসম ৰাইফলছে।
পাছত জব্দকৃত হেৰ'ইন আৰু পপিখিনি চকপিকাৰং থানাত গতাই দিয়ে অসম ৰাইফলছে।
নিষিদ্ধ মাদক দ্ৰব্যৰ এই কাৰবাৰত চিন্তিত হৈ পৰিছে সচেতন মহল।
Continue Reading
