অসমৰ বাবে এক গৌৰৱৰ বতৰা৷ অসমৰ অপূৰ্ণা নাৰ্জাৰীয়ে ভাৰতীয় মহিলা ফুটবল দলৰ আগন্তুক ছুইডেনৰ বিৰুদ্ধে খেলত নেতৃত্ব দিব।টুইটাৰত এই সুখৰ বতৰা বড়োলেণ্ড টেৰিটৰিয়েল ৰিজনৰ মুখ্য কাৰ্যবাহী সদস্য প্ৰমোদ বড়োৱে প্ৰকাশ কৰে।

Listen to Article

2 min read

80%

ডিজিটেল ডেস্কঃ অসমৰ বাবে এক গৌৰৱৰ বতৰা৷ অসমৰ অপূৰ্ণা নাৰ্জাৰীয়ে ভাৰতীয় মহিলা ফুটবল দলৰ আগন্তুক ছুইডেনৰ বিৰুদ্ধে খেলত নেতৃত্ব দিব।টুইটাৰত এই সুখৰ বতৰা বড়োলেণ্ড টেৰিটৰিয়েল ৰিজনৰ মুখ্য কাৰ্যবাহী সদস্য প্ৰমোদ বড়োৱে প্ৰকাশ কৰে।

অসমৰ শিক্ষামন্ত্ৰী ৰণোজ পেগুৱেও অপূৰ্ণা নাৰ্জাৰীক অভিনন্দন জনাই লিখিছে "এয়া এক ডাঙৰ খবৰ - কোকৰাঝাৰৰ পৰা অপূৰ্ণা নাৰ্জাৰী ছুইডেনত খেলিবলৈ ভাৰতীয় মহিলা ফুটবল দলৰ অধিনায়ক হোৱাটো যথেষ্ট গুৰুত্বপূৰ্ণ।"

উল্লেখ্য যে,অসমৰ কন্যা অপূৰ্ণা নাৰ্জাৰীৰ নেতৃত্বত চলিত বৰ্ষৰ মাৰ্চ মাহত ভাৰতীয় মহিলা ফুটবল দলে ভিয়েটনামত ছিংগাপুৰক ৭-০ গ’লত ব্যাপক ব্যৱধানত পৰাস্ত কৰিছিল। এ এফ চি অনূৰ্ধ্ব ২০ এছিয়ান কাপ কোৱালিফায়াৰৰ প্ৰথম ৰাউণ্ডত মহিলা দলৰ অধিনায়কত্ব কৰি অপূৰ্ণা নাৰ্জাৰীয়ে জয়লাভ কৰে। মহিলা দলটোৱে সেইদিনা ৭ গ’লৰ জয়ৰে প্ৰতিদ্বন্দ্বী দলক পৰাজিত কৰে।

খবৰ অনুসৰি, যেতিয়া অপূৰ্ণা নাৰ্জাৰীক মুখ্য প্ৰশিক্ষক মেমল ৰকিয়ে এ এফ চি অনূৰ্ধ্ব-২০ এছিয়ান কাপ কোৱালিফায়াৰছ ৰাউণ্ড ১ মেচত দলটোক নেতৃত্ব দিব বুলি জনাইছিল, তেতিয়া তেওঁ এক মিনিটৰ বাবে বাকৰুদ্ধ হৈ পৰিছিল বুলি জানিবলৈ দিয়ে৷