ডিজিটেল ডেস্কঃ অসমৰ লগতে দেশৰ কেইবাখনো ৰাজ্যত বৰষুণ আৰু ধুমুহাৰ সতৰ্কতা জাৰি বতৰ বিজ্ঞান বিভাগৰ। দেশৰ কেইবাখনো ৰাজ্যত বৰষুণ আৰু ধুমুহাৰ সতৰ্কতা
মুঠ ৬২খন জিলাত ধুমুহাৰ সতৰ্কতা। দিল্লীত আগন্তুক ২দিনলৈ ধাৰাবাহিক বৰষুণ আৰু ধুমুহা।
দিল্লীত সৰ্বনিম্ন উষ্ণতা প্ৰায় ২৬-২৮ ডিগ্ৰী আৰু সৰ্বোচ্চ উষ্ণতা ৩৮-৩৯ ডিগ্ৰী পৰ্যন্ত হ'ব পাৰে।
হাৰিয়ানা, চণ্ডীগড়, পঞ্জাব, ৰাজস্থান, উত্তৰ প্ৰদেশত ধুমুহাৰ লগতে পাতলীয়া বৰষুণৰ সম্ভাৱনা।
উত্তৰ প্ৰদেশৰ বহু জিলাত আজি প্ৰচণ্ড ধুমুহাৰ সম্ভাৱনা। পশ্চিম উত্তৰ প্ৰদেশত প্ৰচণ্ড বতাহ ঘণ্টাত ৫০ কিলোমিটাৰ বেগেৰে বলিব পাৰে।
পূব উত্তৰ প্ৰদেশত বতাহৰ গতিবেগ প্ৰতি ঘণ্টাত ৪০ কিলোমিটাৰ হ'ব। উত্তৰ প্ৰদেশৰ প্ৰয়াগৰাজ, ফতেহপুৰ, প্ৰতাপগড়কে ধৰি ৬২খন জিলাত ধুমুহাৰ সতৰ্কতা।
২৪ ঘণ্টাৰ ভিতৰত পশ্চিমবংগ, ওড়িশা, কৰ্ণাটকৰ লগতে কেৰালাত মধ্যমীয়া বৰষুণৰ সম্ভাৱনা। জম্মু-কাশ্মীৰ, উত্তৰাখণ্ড, হিমাচল প্ৰদেশ, বিহাৰ, ঝাৰখণ্ড, ছত্তীশগড়, তেলেংগানা, মহাৰাষ্ট্ৰ আৰু তামিলনাডুতো বৰষুণ।
অসমত ১১ আৰু ১২ মে'ত বৰষুণৰ লগতে ধুমুহা অহাৰ সম্ভাৱনা।
জনসাধাৰণক সতৰ্ক হৈ থাকিবলৈ আহ্বান।
Continue Reading
