ডিজিটেল ডেস্কঃ আঙুলিৰ সমস্যাত ভুগি আছিল এটি চাৰি বছৰীয়া শিশু। চিকিৎসালয়লৈ নিয়াৰ সময়ত চিকিৎসকে তেওঁক অস্ত্ৰোপচাৰ কৰিব লাগিব বুলি অৱগত কৰে। কিন্তু সেই অস্ত্ৰোপচাৰটো অতি সৰু হ’ব। এই কথা শুনি শিশুটিৰ পৰিয়ালে অস্ত্ৰোপচাৰ কৰিবলৈ সন্মত হয়। শিশুটিক চিকিৎসালয়ত ভৰ্তি কৰিবলগীয়া হৈছিল।
অস্ত্ৰোপচাৰৰ পিছত যেতিয়া পৰিয়ালটোৱে শিশুটিক চাবলৈ গৈছিল, তেতিয়া তেওঁলোকে দেখিছিল যে হাতখনৰ কোনো অস্ত্ৰোপচাৰ কৰা হোৱা নাই। বৰঞ্চ তেওঁলোকে দেখিলে, শিশুটিৰ মুখত বেণ্ডেজ কৰি থোৱা আছে! এনে অৱস্থাত শিশুটিক দেখি তেওঁৰ আত্মীয়ই ভয় খায়। ক’ৰবাত কিছু বিভ্ৰান্তি হৈছে বুলি অনুভৱ কৰি তেওঁলোকে চিকিৎসালয়ৰ নাৰ্ছ এগৰাকীক শিশুটিৰ বিষয়ে সুধিছে। শিশুটিৰ পৰিয়ালে অভিযোগ কৰিলে আৰু নাৰ্চে কথাটো কওঁতে গুৰুত্ব নিদিলে৷
শিশুটিৰ পৰিয়ালে আৰু দাবী উত্থাপন কৰে, আৰু পিছত শিশুটিৰ জিভাৰ সমস্যা হোৱা বুলি জনায়। তেওঁৰ অস্ত্ৰোপচাৰ কৰা হৈছে। এই কথা শুনি শিশুটিৰ পিতৃ-মাতৃ উত্তেজিত হৈ পৰে। ছোৱালীজনীৰ জিভাত কোনো সমস্যা নাই বুলি দাবী কৰে। এই সমস্যাৰ বিষয়ে তেওঁ প্ৰথমবাৰৰ বাবে গম পাইছিল। শিশুটিৰ এজন আত্মীয়ই কয়, “আমি যেতিয়া নাৰ্চক কথাটো ক’লোঁ, তেওঁ কেৱল হাঁহি মাৰে। তেতিয়া আমাক কোৱা হয় যে শিশুটিৰ জিভাৰ সমস্যা আছিল। সেইটো শুধৰোৱা হৈছে।”
চিকিৎসালয়ত বিষয়টো জানিব পৰাত চিকিৎসকে আহি শিশুটিৰ ‘ভুল’ৰ বাবে ক্ষমা খুজিলে। পিছত শিশুটিৰ হাতৰ অস্ত্ৰোপচাৰ কৰিবলগীয়া হয়। এই ভয়ংকৰ ঘটনা সংঘটিত হৈছে কেৰালাৰ কোঝিকোড মেডিকেল কলেজত। জানিব পৰা মতে শিশুটিৰ হাতত ৬টা আঙুলি আছিল। অস্ত্ৰোপচাৰৰ বাবে চিকিৎসালয়ত ভৰ্তি কৰোৱা হয়। বিষয়টো পোহৰলৈ অহাৰ লগে লগে স্বাস্থ্য বিভাগে তদন্তৰ নিৰ্দেশ দিয়ে।
Continue Reading
