ডিজিটেল ডেস্কঃ অৰ্থনৈতিক সংকটে গ্ৰাস কৰা পাকিস্তানত অনুষ্ঠিত হ’ব উপ-নিৰ্বাচন৷ পাকিস্তানৰ নিৰ্বাচন আয়োগে সিদ্ধান্ত লৈছে যে চলিত বৰ্ষৰ ১৬ মাৰ্চত পাকিস্তানত উপ-নিৰ্বাচন অনুষ্ঠিত কৰা হ'ব।পাকিস্তানৰ উপ-নিৰ্বাচনত ইমৰান খানে নিজেই ৩৩ খন আসনত প্ৰতিদ্বন্দিতা কৰিব। পাকিস্তান তেহৰিক-ই-ইনচাফ (পিটিআই)ৰ নেতা ফাৱাদ চৌধুৰীয়ে টুইটাৰত এইকথা প্ৰকাশ কৰিছে৷
ফাৱাদে টুইটত কয় যে ইমৰান খান হৈছে ৩৩ টা উপ-নিৰ্বাচনত তেহৰিক-ই-ইনচাফৰ প্ৰাৰ্থীয়ে ভাগ ল’ব।
দলটোৰ নেতা শ্বাহ মেহমুদ কুৰেছিয়ে কয় যে তেওঁ আশাবাদী যে ১৬ মাৰ্চত অনুষ্ঠিত হ'বলগীয়া উপ-নিৰ্বাচনত সকলোৱে খানকে ভোট দিব। তেওঁ লগতে কয় যে সকলোৰে এতিয়াও ইমৰানৰ ওপৰত বিশ্বাস আছে, ভোটৰ জৰিয়তে সেয়া স্পষ্ট হ’ব ৷
উল্লেখ্য ২০২২ চনৰ এপ্ৰিলত দলৰ মুৰব্বী ইমৰান খানক নেচনেল এচেম্বলীৰ পৰা বহিষ্কাৰ কৰাৰ পিছত পিটিআই দলৰ কেইবাজনো সদস্যই সংসদৰ নিম্ন সদনৰ পৰা পদত্যাগ কৰিছিল।
পিটিআইৰ ৩৫ জনতকৈও অধিক সদস্যই অধ্যক্ষ ৰাজা পাৰভাইজ আশ্ৰাফলৈ পদত্যাগ প্ত্ৰ প্ৰেৰণ কৰিছিল। ফলস্বৰূপে দেশ খনৰ সদনত বহু আসন খালী হৈ পৰিছে। কুৰেছিয়ে কয় যে সংবিধানৰ নিয়ম অনুসৰি আসন এখন খালী হোৱাৰ ৯০ দিনৰ ভিতৰত নিৰ্বাচন অনুষ্ঠিত কৰিব লাগে। সেয়েহে, উপ-নিৰ্বাচনৰ তাৰিখ ১৬ মাৰ্চত নিৰ্ধাৰণ কৰা হৈছে।
Continue Reading
