ডিজিটেল ডেস্কঃ ২০১৯ চনৰ ১৪ ফেব্ৰুৱাৰীত সংঘটিত হোৱা জম্মু-কাশ্মীৰৰ পুলৱামা কাণ্ডই সমগ্ৰ দেশকে কন্দুৱাইছিল। পুলৱামাত সংঘটিত হোৱা সন্ত্ৰাসবাদী আক্ৰমণত শ্বহীদ হৈছিল ৪০ গৰাকীকৈ চিআৰপিএফ জোৱান। চিআৰপিএফৰ কনভয়ত সন্ত্ৰাসবাদীয়ে চলাইছিল ভয়ংকৰ আক্ৰমণ। জইছ–ই–মহম্মদৰ সন্ত্ৰাসবাদী আদিল আহমেদ ডাৰে এখন বিস্ফোৰকভৰ্তি বাহনেৰে চিআৰপিএফৰ কনভয়ৰ বাহনত খুন্দিওৱাৰ ফলত বিস্ফোৰণ ঘটি শ্বহীদ হৈছিল ৪০জনকৈ চিআৰপিএফ জোৱান। জোৱানসকলৰ এই বলিদান দেশবাসীয়ে কেতিয়াও নাপাহৰে।
পুনৰ পুলৱামা কাণ্ড সংঘটিত কৰি ভাৰতৰ বুকু ৰক্তাক্ত কৰাৰ হুংকাৰ দিছে এগৰাকী মাদ্ৰাছা ছাত্ৰই। উত্তৰ প্ৰদেশৰৰ চাহাৰনপুৰৰ দেওবন্দৰৰ ছাত্ৰজনে পুলৱামাৰ দৰে আক্ৰমণ সংঘটিত কৰাৰ ভাবুকি দিয়ে। এই বিষয়ত আৰক্ষীয়ে গোচৰ ৰুজু কৰি ছাত্ৰজনক জেৰা কৰিছে। কিছুদিন পূৰ্বে জম্মু-কাশ্মীৰৰ ৰাজৌৰীতো এক সন্ত্ৰাসবাদী আক্ৰমণ সংঘটিত হৈছিল। ইয়াৰ পৰিপ্ৰেক্ষিতত ৰাজ্যৰ আৰক্ষী সষ্টম হৈ আছে।
এই বিষয়টো পোহৰলৈ আহে যেতিয়া এজন টুইটাৰ ব্যৱহাৰকাৰীয়ে উত্তৰ প্ৰদেশ আৰক্ষীক টেগ কৰি ‘পুলৱামাৰ দৰে সন্ত্ৰাসবাদী আক্ৰমণ’ৰ বিপদৰ বিষয়ে সতৰ্ক কৰি দিয়ে। ছাত্ৰজনে নিজৰ ছ’চিয়েল মিডিয়া একাউণ্টত লিখিছিল, “ইনশ্বাল্লাহ, অতি সোনকালে আন এক পুলৱামা
কাণ্ড হ’ব।”
অভিযুক্ত ছাত্ৰজনৰ নাম মহম্মদ তালহা, তেওঁৰ ঘৰ ঝাৰখণ্ডৰ জামছেদপুৰ চৰাই কালেখানত। ধৰ্মীয় শিক্ষা লাভ কৰিবলৈ তেওঁ দেওবন্দৰৰ এখন মাদ্ৰাছাত নামভৰ্তি কৰিছিল আৰু ইয়াতে থাকি ছাত্ৰজনে অধ্যয়ন কৰি আছিল।
ছাত্ৰজনক বৰ্তমান কঠোৰ জেৰা কৰি আছে আৰক্ষীয়ে।
Continue Reading
