ডিজিটেল ডেস্কঃ মধ্যপ্ৰদেশত বৃদ্ধি পাইছে মহিলাৰ বিৰুদ্ধে অপৰাধৰ গোচৰ। যোৱা কেইমাহমানৰ পৰা ৰাজ্যখনত মহিলাৰ বিৰুদ্ধে সংঘটিত বহু অপৰাধমূলক ঘটনা পোহৰলৈ আহিছে। শেহতীয়া ঘটনাত ইন্দোৰৰ এটা বিখ্যাত মলত কৰ্মৰত এগৰাকী মহিলাক কৰা ধৰ্ষণ কাণ্ডই আৰক্ষী আৰু প্ৰশাসনৰ টোপনি নোহোৱা কৰি তুলিছে। ভুক্তভোগীৰ অভিযোগৰ ভিত্তিত আৰক্ষীয়ে অভিযুক্তক গ্ৰেপ্তাৰ কৰিছে।
ইন্দোৰৰ বাসিন্দা ভুক্তভোগী মহিলাগৰাকী মলটোৰ চাফাই কৰ্মী। মলটোত কৰ্মৰত এজন যুৱকে জোৰকৈ ভুক্তভোগীক আক্ৰমণ কৰে। ভুক্তভোগীয়ে অভিযোগ কৰে যে, ঘটনাৰ দিনটোতে তেওঁ সদায়ৰ দৰে কামলৈ গৈছিল। অভিযুক্তই জোৰকৈ মলৰ শৌচাগাৰলৈ লৈ গৈ ধৰ্ষণ কৰে। অভিযুক্তই মহিলাজনীক ভাবুকি দিছিল যে যদি তাই কাৰোবাক কিবা কয় তাৰ পৰিণাম অতি বেয়া হ’ব।
তেওঁ ভয়ত কিছুদিন নিমাত হৈ থাকিল। বন্ধু এজনৰ সহায়ত তেওঁ এন জি অ’ৰ ওচৰ পালেগৈ। এন জি অ’ৰ লোকে তেওঁক পৰামৰ্শ দিলে। ইয়াৰ পিছত তেওঁ আৰক্ষীক নিজৰ অধ্যায়ৰ কথা কয়। বিষয়টোৰ গুৰুত্ব দেখি আৰক্ষীয়ে তাৎক্ষণিক ব্যৱস্থা গ্ৰহণ কৰি অভিযুক্ত যুৱকজনক গ্ৰেপ্তাৰ কৰে। অভিযুক্তৰ নাম চিৰঞ্জীৱী।
আৰক্ষীয়ে জনোৱা মতে, অভিযুক্ত চিৰঞ্জীৱী পশ্চিমবংগৰ বাসিন্দা। পাঁচ বছৰ ধৰি তেওঁ মলটোত কাম কৰি আছে। মহিলা আৰক্ষী থানাৰ ভাৰপ্ৰাপ্ত বিষয়া প্ৰীতি তিৱাৰীয়ে কয় যে অভিযুক্তই মলটোৰ পুৰুষ টয়লেটত ধৰ্ষণ কৰিছিল আৰু তাৰ পিছত ভুক্তভোগীয়ে কাৰোবাক ক’লে তেওঁক আৰু তেওঁৰ সন্তানক হত্যা কৰিব বুলি ভাবুকি দিছিল। ধৰ্ষণ আৰু অন্যান্য গুৰুতৰ অপৰাধৰ ধাৰাত অভিযুক্তৰ বিৰুদ্ধে ব্যৱস্থা গ্ৰহণ কৰিছে আৰক্ষীয়ে।
Continue Reading
