ডিজিটেল ডেস্কঃ অৰুণাচলত হৈ থকা নেৰা-নেপেৰা বৰষুণৰ ফলত পুনৰ সংঘটিত হৈছে ভয়ংকৰ ভূমিস্খলন। অৰুণাচল প্ৰদেশৰ চিয়াং জিলাৰ বাবুক গাঁৱৰ সমীপৰ ১৩ নং ৰাষ্ট্ৰীয় ঘাইপথত সংঘটিত হৈছে এই ভয়ংকৰ ভূমিস্খলন। এই ভূমিস্খলনৰ ফলত বন্ধ হৈ পৰিছে Pasighat-Pangin সংযোগী পথচোৱা।
আজি পুৱাই সংঘটিত হোৱা এই ভূমিস্খলনৰ ফলত যাতায়ত সম্পূৰ্ণৰূপে বন্ধ হৈ পৰিছে। পথত আৱদ্ধ হৈ পৰিছে এখন এম্বুলেন্সৰ লগতে শ শ যান বাহন। পথত আৱদ্ধ হৈ পৰিছে দূৰ-দূৰণিৰ পৰা অহা শ শ যাত্ৰী।
বৰ্তমানেও পাহাৰৰ ওপৰৰ পৰা মাটি খহিয়েই আছে বুলি জানিব পৰা গৈছে। ঘটনাৰ পিছতে অৰুণাচল প্ৰশাসনে পুনৰ পথচোৱা যাতায়ত সুচলৰ বাবে তীব্ৰ গতিত মেৰামতিৰ কাম কৰি আছে যদিও পাহাৰৰ পৰা মাটি খহা অব্যাহত থকাৰ বাবে মেৰামতিৰ ক্ষেত্ৰত অসুবিধাৰ সন্মুখীন হোৱা বুলি জানিব পৰা গৈছে।
