ডিজিটেল ডেস্কঃ ৪৫তম ‘প্ৰি-ইউৰোপ ডি লেছাই’ বঁটা লাভ কৰিছে ভাৰতীয় সাহিত্যিকে অৰুন্ধতী ৰায়। এই বঁটা লাভ কৰা তেওঁ প্ৰথম ভাৰতীয় সাহিত্যিক হিচাপে বিবেচিত হৈছে।
তেওঁৰ গ্ৰন্থ ‘আজাদী: ফ্ৰিডম, ফেচিজম, ফিকচন’ৰ ফৰাচী অনুবাদে এই খিতাপ লাভ কৰিছে। এই পুৰস্কাৰৰ ধন ভাৰতীয় টকাত প্ৰায় ১৮ লাখ। জুন মাহত অৰুন্ধতীক এই বঁটা লাভ কৰা বুলি ঘোষণা কৰা হৈছিল। মঙলবাৰে ছুইজাৰলেণ্ডৰ ল’জানত অনুষ্ঠিত হয় এই অনুষ্ঠান।
জুৰীয়ে এক বিবৃতিত কয় যে- ''অৰুন্ধতী ৰায়ে কলমক যুঁজৰ আহিলা হিচাপে ব্যৱহাৰ কৰিছিল। আজিৰ জীৱনৰ এটা ডাঙৰ সমস্যা হৈছে বিভিন্ন স্তৰত প্ৰকাশ পোৱা ফেচিবাদৰ স্বৰূপ। তেওঁৰ ৰচনাবোৰ বহুতৰে আশ্ৰয়স্থলৰ দৰে।’’
Continue Reading
