ডিজিটেল ডেস্কঃ অভিজ্ঞ বেগী বলাৰৰ অভাৱত ভুগিছে ভাৰতীয় ক্ৰিকেট দল৷শেহতীয়াকৈ ৱেষ্ট ইণ্ডিজ ভ্ৰমণত টেষ্ট শৃংখলা খেলিবলৈ যোৱা ভাৰতীয় দলটোত অভিজ্ঞ বেগী বলাৰ হিচাপে কেৱল মহম্মদ ছিৰাজৰ নাম আছে বুলি ক’ব পাৰি। ইয়াৰ উপৰিও দলটোৰ আন বেগী বলাৰসকলৰ ভিতৰত আছে জয়দেৱ উনাডকড়, নৱদীপ ছেইনী আৰু মুকেশ কুমাৰ। লগতে আছে অল ৰাউণ্ডাৰ শ্বাৰ্দুল ঠাকুৰ। তেওঁলোকৰ কোনো এজনেও এতিয়াও টেষ্ট ফৰ্মেটত ৱেষ্ট ইণ্ডিজত খেলাৰ অভিজ্ঞতা নাই। এই সন্দৰ্ভত কেপ্তেইন ৰোহিত শৰ্মাক প্ৰশ্ন সোধাত বেগী বলাৰ সন্দৰ্ভত তেওঁৰ যন্ত্ৰণা সকলোৰে সন্মুখত পৰিস্ফুট হৈ পৰিছে।
ভাৰতীয় অধিনায়ক ৰোহিত শৰ্মাক ৱেষ্ট ইণ্ডিজৰ বিৰুদ্ধে প্ৰথমখন টেষ্ট খেলৰ পূৰ্বে সংবাদমেলৰ সময়ত অনভিজ্ঞ বেষ্ট বলিং আক্ৰমণৰ বিষয়ে প্ৰশ্ন কৰা হয়৷ৰোহিতে আৰু কয় যে এই সময়ত আমাৰ বহু বলাৰ আঘাতপ্ৰাপ্ত হৈছে। সেইবাবেই আমি বৰ্তমান বলাৰসমূহ সলনি কৰিবলগীয়া হৈছে। আমাৰ ফাষ্ট বলাৰৰ স্থিৰ লাইন আপ নাই। আমি সেইবোৰো পৰিচালনা কৰিব লাগিব। সেইবাবেই আমি অভিজ্ঞ বেগী বলাৰ লৈ এই ভ্ৰমণলৈ অহা নাই৷
উল্লেখযোগ্য যে, বিশ্ব টেষ্ট চেম্পিয়নশ্বিপৰ ফাইনেলৰ পাছত প্ৰবীণ বেগী বলাৰ মহম্মদ ছামীক ৱেষ্ট ইণ্ডিজ ভ্ৰমণৰ পৰা জিৰণি দিয়া হৈছে যাতে তেওঁ আগন্তুক এছিয়া কাপ আৰু পৰৱৰ্তী এদিনীয়া বিশ্বকাপৰ বাবে সম্পূৰ্ণ প্ৰস্তুতি চলাব পাৰে। একে সময়তে আঘাতপ্ৰাপ্ত হোৱা যশপ্ৰীত বুমৰাহ এতিয়াও সম্পূৰ্ণ ফিট হোৱা নাই। এনে পৰিস্থিতিত টিম ইণ্ডিয়াৰ হৈ এই টেষ্ট শৃংখলাত মহম্মদ ছিৰাজে দ্ৰুত বলিং আক্ৰমণৰ নেতৃত্ব দিয়া দেখা যাব।
Continue Reading
