ডিজিটেল ডেস্ক: ১৯৯৯ বিশ্বকাপৰ পুনৰাবৃত্তি ঘটিল ইডেন গাৰ্ডেনত। বিশ্বকাপৰ দ্বিতীয়খন চেমি ফাইনেলত দক্ষিণ আফ্ৰিকাক তিনি উইকেটত পৰাস্ত কৰি ফাইনেলত প্ৰৱেশ কৰিলে অষ্ট্ৰেলিয়াই।
আকাশত ডাৱৰ থকাৰ পিছতো বাভুমাই টছত জয়লাভ কৰি প্ৰথমে বেটিং কৰিবলৈ বাছি লৈছিল। অষ্ট্ৰেলিয়াৰ ক্ষুৰধাৰ বলিঙত দক্ষিণ আফ্ৰিকাৰ ইনিংছ ২১২ ৰানতে সমাপ্ত হয়। ডেভিদ মিলাৰে ১০১ ৰান আৰু হেনৰিক ক্লাচেনে ৪৭ ৰান নকৰা হ'লে ইয়াতকৈও কম স্ক'ৰ হ'লহেঁতেন। ব্যৰ্থ হয় ফৰ্মত থকা ডি কক, ভান ডাৰ ডুচেন, এইডেন মাৰক্ৰাম।
অষ্ট্ৰেলিয়াৰ সফল বলাৰ মিচেল ষ্টাৰকে ৩৪ ৰানত ৩ উইকেট দখল কৰে। হেজলউডে তেওঁ ১২ ৰানত ২ উইকেট দখল কৰে। অধিনায়ক পেট কামিন্সে ৫১ ৰানত ৩টা উইকেট দখল কৰে। ট্ৰেভিড হেডেও ২১ ৰানত ২ উইকেট দখল কৰে।
২১৩ ৰানৰ লক্র লৈ অষ্ট্ৰেলিয়াই আক্ৰমণাত্মক মুডত ইনিংছ আৰম্ভ কৰে। হেডে ৪৮টা বলত ৯টা চাৰি আৰু ২টা ছয়ৰে ৬২ ৰান সংগ্ৰহ কৰে। ডেভিদ ৱাৰ্নাৰৰ ইনিংছত ১৮টা বলত আহে ২৯ ৰান। তাৰপাছতে কিছু চাপত পৰে ৰেংগাৰুবাগিনী।
তিনি নম্বৰত বিফল হয় মিচেল মাৰ্ছ (শূন্য)। ষ্টিভ স্মিথ (৬২ বলত ৩০), মাৰ্নাছ লাবুচেনে (৩১ বলত ১৮), গ্লেন মেক্সৱেলে (১) দলটোক বিশেষ আত্মবিশ্বাস দিব নোৱাৰিলে। জোছ ইংলিছে ৪৯টা বলত ২৮ ৰান সংগ্ৰহ কৰে।শেষত মিচেল ষ্টাৰকে ৩৮টা বলত ১৬ ৰান সংগ্ৰহ কৰি অপৰাজিত হৈ থাকে। কামিন্সৰ বেটৰ পৰা ২৯টা বলৰ পৰা ১৪ ৰানৰ অপৰাজিত ইনিংছ।
দক্ষিণ আফ্ৰিকাৰ সফল বলাৰ টাবাৰেজ শ্বামচিয়ে ৪২ ৰানত ২ উইকেট দখল কৰে। ৪৭ ৰানত ক’য়েটজৰ ২ উইকেট।
Continue Reading
