ডিজিটেল ডেস্কঃ বিহাৰৰ বাংকাৰ পৰা মাত্ৰ ৭ কিলোমিটাৰ নিলগত অৱস্থিত এখন অভিযান্ত্ৰিক মহাবিদ্যালয়ৰ ছাত্ৰৰ খাদ্যত উদ্ধাৰ হৈছে এটা সাপ।
মৃত সাপটো থকা খাদ্য গ্ৰহণ কৰাৰ অভিযোগত কমেও ১০-১৫ জন ছাত্ৰ-ছাত্ৰীক চিকিৎসালয়ত ভৰ্তি কৰোৱা হয়।
খবৰ অনুসৰি চৰকাৰী অভিযান্ত্ৰিক মহাবিদ্যালয়খনৰ হোষ্টেলত বসবাস কৰা ছাত্ৰসকলক ব্যক্তিগত মেছৰ পৰা খাদ্য যোগান ধৰা হয়। ইয়াৰ পূৰ্বেও খাদ্যৰ মানদণ্ড সন্দৰ্ভত কলেজ প্ৰশাসনক অভিযোগ উত্থাপন কৰা হৈছিল যদিও ইয়াৰ প্ৰতি কোনো গুৰুত্ব দিয়া হোৱা নাছিল।
১৩ জুনৰ নিশা যেতিয়া ছাত্ৰসকলক খাদ্য দিয়া হৈছিল, তেতিয়া তাত এটা সাপৰ পোৱালি আছিল। খাদ্যত সাপটো পোৱাৰ সময়লৈকে কিছু ছাত্ৰ-ছাত্ৰীয়ে ইতিমধ্যে খাদ্যখিনি খাই পেলাইছিল।
ঘটনাটোক লৈ তীব্ৰ চাঞ্চল্য অব্যাহত।
Continue Reading
