ডিজিটেল ডেস্কঃ মোবাইলত PUBG গেম খেলি বন্ধুত্ব, তাৰ পিছত প্ৰেম। প্ৰেমৰ আহ্বানৰ প্ৰতি সঁহাৰি জনাই এগৰাকী ত্ৰিশ বছৰীয়া মহিলাই কোলাত চাৰিটা সন্তান লৈ পাকিস্তানৰ পৰা ভাৰতত প্ৰৱেশ কৰে। উত্তৰ প্ৰদেশৰ নয়দাত সংঘটিত হৈছে এই কাণ্ড।
ঘটনা পোহৰলৈ অহাৰ লগে লগে নয়ডা আৰক্ষীয়ে তেওঁক গ্ৰেপ্তাৰ কৰে। পাক মহিলাগৰাকীৰ ভাৰতীয় প্ৰেমিককো আৰক্ষীয়ে গ্ৰেপ্তাৰ কৰে। সংবাদ মাধ্যমৰ বাতৰি অনুসৰি ভাৰতত অনুপ্ৰৱেশ কৰা পাকিস্তানী মহিলাগৰাকীৰ নাম সীমা গুলাম হাইদৰ আৰু ভাৰতীয় প্ৰেমিকৰ নাম শচীন।
আৰক্ষীৰ সূত্ৰ অনুসৰি ‘পাবজী’ খেলি থকাৰ সময়তে সীমাৰে শচীনৰ সৈতে কথা-বতৰা পাতিছিল। তাৰ পৰাই সীমাই নিজৰ চাৰিটা সন্তানৰ সৈতে ভাৰতলৈ অহাৰ সিদ্ধান্ত ল’লে, যিহেতু তেওঁলোকৰ সম্পৰ্ক আৰু অধিক আগবাঢ়িছিল। প্ৰথমে তেওঁ পাকিস্তানৰ পৰা নেপাললৈ আহিছিল। যোৱা মাহত তেওঁ তাৰ পৰাই লুকাই চুৰকৈ ভাৰতত প্ৰৱেশ কৰিছিল। ইয়াৰ পিছত বাছত উঠি নয়ডালৈ আহিল।
সোমবাৰে আৰক্ষীয়ে জনোৱা মতে, শচীনে আগতে গ্ৰেটাৰ নয়ডাৰ ৰাবুপুৰা অঞ্চলত ভাড়াতেই জীৱন নিৰ্বাহ কৰিছিল। সীমা চাৰিটা সন্তানৰ সৈতে তাতেই বাস কৰিছিল। গোপন সূত্ৰৰ পৰা এই তথ্য লাভ কৰি আৰক্ষীয়ে শচীনৰ ভাড়াঘৰত অভিযান চলাই চাৰিটা সন্তানসহ সীমাক গ্ৰেপ্তাৰ কৰে।
Continue Reading
