ডিজিটেল ডেস্কঃ বিশ্বকাপৰ ফাইনেলত ফ্ৰান্সৰ পৰাজয়ে এতিয়া শোকাহত কৰিছে দেশ খনৰ ফুটবল অনুৰাগীসকলক। এনে সময়তে এটা মেট্ৰ' ষ্টেচনৰ নাম এদিনৰ বাবে সলাই পেলোৱা হৈছে। ফ্ৰান্সত লিঅনেল মেছিৰ দেশ আৰ্জেণ্টিনাৰ নামেৰে পেৰিছত এটা মেট্ৰ' ষ্টেচন আছে। কিন্তু আৰ্জেণ্টিনাৰ বিৰুদ্ধে ফ্ৰান্সৰ উটবল অনুৰাগীৰ ক্ষোভ দেখি দেশ খনৰ চৰকাৰে এদিনৰ বাবে ষ্টেচনটোৰ নাম সলাই দিয়াৰ সিদ্ধান্ত লৈছে।
সেইমৰ্মে এদিনৰ বাবে নীলা কাপোৰেৰে ঢাকি ৰখা হৈছে ষ্টেছনটোৰ নাম।ফ্ৰান্সৰ ফুটবল অনুৰাগীসকলৰ দাবী মানি লৈয়েই মেট্ৰ' ষ্টেচনৰ নাম এদিনৰ বাবে সলনি কৰা হৈছে। পেৰিছৰ আৰ্জেণ্টিনা নামৰ ষ্টেছনটোৰ নাম ফলকত আঁৰি দিয়া হৈছে নীলাকাপোৰ। পৰাজয়ৰ এনে এটা দিনত ফৰাচীসকলে বাৰে বাৰে 'আৰ্জেণ্টিনা' নামটো ক'বলৈ বা 'আৰ্জেণ্টিনা' লিখা চাবলৈ বিচৰা নাই।
সেইবাবেই এনে ব্যৱস্থা কৰা হৈছে।আৰ্জেণ্টিনা ষ্টেচনটোৰ নাম এদিনৰ বাবে 'ফ্ৰান্স' দিয়া হৈছে।ফ্ৰান্সৰ বিভিন্ন স্থানত ১৪,০০০ তকৈও অধিক আৰক্ষী মোতায়েন কৰা হৈছে। কেৱল পেৰিছৰ বিভিন্ন স্থানত প্ৰায় ২,৭৫০ জন আৰক্ষী কৰ্মী মোতায়েন কৰা হৈছে।
ফ্ৰান্সৰ ৰাষ্ট্ৰপতি ইমানুৱেল মেক্ৰনে ফাইনেল চাবলৈ দোহাৰ লুচাইল ষ্টেডিয়ামত উপস্থিত আছিল । ফাইনেলৰ আগতে তেওঁ ফুটবলাৰসকলক উৎসাহিত কৰিবলৈ এক বিশেষ বাৰ্তাও দিছিল।কোনো শুভেচ্ছা বা বাৰ্তাই ফ্ৰান্সক জয়ৰ লক্ষ্যত উপনীত কৰোৱাব নোৱাৰিলে।
Continue Reading
