পাক অধিকৃত কাশ্মীৰ ভাৰতৰেই অংশ, ইছলামবাদ উচ্চ ন্যায়ালয়ত পাক চৰকাৰৰ স্বীকাৰোক্তি

উল্লেখ্য কৰ বৃদ্ধি, মুদ্ৰাস্ফীতিকে ধৰি একাধিক সমস্যাৰ বিৰুদ্ধে পাক অধিকৃত কাশ্মীৰৰ নাগৰিকে পাকিস্তান চৰকাৰৰ বিৰুদ্ধে অবিৰত আন্দোলন চলাই গৈছে। পাকিস্তান চৰকাৰে  এই প্ৰতিবাদ প্ৰতিৰোধ কৰিবলৈ কঠোৰ ব্যৱস্থা গ্ৰহণ কৰিছে।  পাক অধিকৃত কাশ্মীৰৰ কাৰাগাৰত বন্দী হৈ আছে  সাংবাদিক তথা কাশ্মীৰী কবি আহমেদ ফাৰহাদ শ্বাহ। ন্যায়াধীশে ফাৰহাদক ইছলামবাদ উচ্চ ন্যায়ালয়ত হাজিৰ হ’বলৈ নিৰ্দেশ দিয়ে। ইয়াৰ পৰিপ্ৰেক্ষিতত পাকিস্তানৰ চৰকাৰৰ অধিবক্তাই স্পষ্টকৈ উল্লেখ কৰে  যে, "ফাৰহাদ বৰ্তমান কাশ্মীৰৰ (অধিগ্ৰহণ কৰা কাশ্মীৰ) আৰক্ষীৰ জিম্মাত আছে। সেই এলেকা বিদেশী ভূখণ্ডৰ অন্তৰ্গত। সেই অঞ্চলটো কোনো কাৰণতে পাকিস্তানৰ আইন-শৃংখলা ব্যৱস্থাৰ অধীনলৈ নাহে।"

পাকিস্তান চৰকাৰৰ দাবী যে পাকিস্তান চৰকাৰৰ সৈতে আলোচনা কৰি গঠন কৰা চৰকাৰ সেই অঞ্চলত চলি আছে। কিন্তু তাত পাকিস্তানৰ আইন-শৃংখলা একেবাৰেই প্ৰযোজ্য নহয়। এই প্ৰেক্ষাপটতে  আদালতে প্ৰশ্ন উত্থাপন কৰে- যদি দখল কৰা কাশ্মীৰ পাকিস্তানৰ অংশ নহয়, তেন্তে পাকিস্তানী সামৰিক বাহিনী আৰু পাকিস্তানী ৰেঞ্জাৰে কেনেকৈ সেই অঞ্চলত প্ৰৱেশ কৰিলে? অৱশ্যে এই প্ৰশ্নৰ কোনো উত্তৰ দিব নোৱাৰিলে পাকিস্তান চৰকাৰে। ইফালে এই ঘটনাই স্বাভাৱিকতে আন্তৰ্জাতিক ৰাজনীতিত হুলস্থুলৰ সৃষ্টি কৰিছে। পাকিস্তানৰ বক্তব্যৰ আধাৰতে ভাৰতে বিষয়টো পুনৰ  আন্তঃৰাষ্ট্ৰীয় মঞ্চলৈ লৈ যাব  পাৰে বুলি বিশেষজ্ঞসকলে ধাৰণা কৰিছে । কাৰণ ৰাষ্ট্ৰসংঘৰ মঞ্চত ভাৰতে বাৰে বাৰে স্পষ্টভাৱে কৈ আহিছে যে পাকিস্তানে দখল কৰা কাশ্মীৰ ভাৰতৰ অংশ আছিল, আছে আৰু থাকিব।

মন কৰিবলগীয়া যে ২০২৪ চনৰ লোকসভা নিৰ্বাচনৰ প্ৰচাৰতো কেন্দ্ৰীয় গৃহমন্ত্ৰীৰ পৰা আৰম্ভ কৰি  বিজেপিৰ নেতাসকলে দাবী কৰিছিল  যে যদি তৃতীয়বাৰৰ বাবে মোদী চৰকাৰ ক্ষমতালৈ আহে তেন্তে ৬ মাহৰ  ভিতৰত পাকিস্তানে দখল কৰা কাশ্মীৰ ভাৰতৰ অংশ হ’ব হৈ পৰিব।