ডিজিটেল ডেস্কঃ প্ৰেমৰ বাবেই পাকিস্তানৰ পৰা ভাৰতলৈ পলাই অহা সীমা হাইদৰ নামৰ মহিলাগৰাকী পাক সেনাৰ গুপ্তচৰ নেকি? নানান কাৰণত এতিয়া এই প্ৰশ্নৰ উদ্ৰেক ঘটিছে। উত্তৰ প্ৰদেশ আৰক্ষীৰ এটিএছে সীমাৰ সৈতে পাক সেনাৰ সম্পৰ্ক থকাৰ বিষয়ত সন্দেহ ব্যক্ত কৰিছে।
উত্তৰ প্ৰদেশৰ এটিএছে পাকিস্তানৰ বাসিন্দা সীমাক এতিয়া নিজৰ জিম্মাত ৰাখি সোধাপোছা কৰি আছে। পাকিস্তানৰ গুপ্তচৰ সংস্থা আইএছএআইৰ সৈতেও তেওঁৰ কোনো সম্পৰ্ক আছে নেকি সেই সন্দৰ্ভত সীমাক প্ৰশ্ন কৰাৰ সম্ভাৱনা আছে।সীমা আৰু তেওঁৰ বৰ্তমানৰ স্বামী নয়ডাৰ ৰাবুপুৰাৰ শচীন মীনা সোমবাৰৰ পৰা নিৰুদ্দেশ হৈ আছিল। অৱশ্যে, পিছত প্ৰকাশ পাইছিল যে সীমা আৰু শচীনক উত্তৰ প্ৰদেশৰ এটিএছে তেওঁলোকৰ জিম্মাত লৈছে। আৰক্ষীৰ এক সূত্ৰ অনুসৰি, জেৰাৰ সময়ত সীমাই প্ৰকাশ কৰিছে যে তেওঁৰ খুৰাক পাকিস্তান সেনাৰ এজন চুবেদাৰ আছিল। আনকি সীমাৰ ভায়েকেও বৰ্তমান পাকিস্তান সেনাত সেৱা আগবঢ়াই আছে। ফলস্বৰূপে "গুপ্তচরবৃত্তি"ৰ সন্দেহটো অধিক শক্তিশালী হ'বলৈ আৰম্ভ কৰিছে।
আৰক্ষী সূত্ৰই জনোৱা মতে সীমাৰ পাছপোৰ্ট, মোবাইল ফোনৰ তথ্য লগতে সীমাৰ পৰিচয় পত্ৰ উচ্চআয়োগৰ কাৰ্যালয়লৈ প্ৰেৰণ কৰি তদন্ত কৰা হৈছে। সীমাক সোমবাৰে এটিএছে জিম্মাত লৈছে। তেতিয়াৰে পৰ , সীমা "সন্ধানহীন" বুলি খবৰ ওলাইছিল।সোমবাৰেই এটিএছে তেওঁলোকক মোকলাই দিছিল যদিও মঙলবাৰে পুৱা এটিএছে পুনৰ সীমা, তেওঁৰ স্বামী শচীনক সোধা-পোছাৰ বাবে লৈ যায়। আৰক্ষীৰ সূত্ৰ অনুসৰি সীমাই সঁচা কথা কৈছে নে নাই পৰীক্ষা কৰিবলৈ এটা পলিগ্ৰাফ পৰীক্ষাৰো ব্যৱস্থা কৰা হৈছে।
আৰক্ষীৰ এটা সূত্ৰই কৈছিল যে সীমাক ভিছা অবিহনে ভাৰতত প্ৰৱেশ কৰাৰ বাবে গ্ৰেপ্তাৰ কৰা হ'ব পাৰে। সীমাই কেনেকৈ কোনো বাধা অবিহনে নেপাল সীমান্তৰ মাজেৰে গ্ৰেটাৰ নয়ডাত প্ৰৱেশ কৰিছিল সেই বিষয়তো তদন্ত কৰা হৈছে। সেই সময়ত কোনেও কিয় তেওঁৰ নথিপত্ৰ পৰীক্ষা কৰা নাছিল সেয়াও ৰহস্যৰ বিষয় হৈ পৰিছে। সীমাক কেৱল উত্তৰ প্ৰদেশএটিএছেই নহয়, দেশৰ আন অনুসন্ধানকাৰী সংস্থায়ো জেৰা চলাব পাৰে বুলি জানিব পৰা গৈছে। আৰক্ষীয়ে তেওঁৰ হোৱাটছএপৰ কথোপকথন আৰু ফোন কলৰ বিৱৰণো পৰীক্ষা কৰি আছে।
Continue Reading
