ডিজিটেল ডেস্কঃ আৱাসিক এলেকাত যেতিয়াই বন্যপ্ৰাণী দেখা যায় তেতিয়াই হুলস্থুলৰ সৃষ্টি হয়। ৰাজস্থানৰ কোটাতো এনে এক ঘটনা পোহৰলৈ আহিছে। আৱাসিক এলেকাত হঠাতে প্ৰৱেশ কৰিলে এটা বাঘে। মানুহৰ ঘৰত ঘূৰি ফুৰিছিল বাঘটো।
বাঘটোৱে এহাল পতি-পত্নীক আক্ৰমণ কৰি আহত কৰে। ইয়াৰ বাহিৰেও বাঘটোৱে আন এজন ব্যক্তিক আক্ৰমণ কৰে। ভাগ্যৰ কথা যে বাঘটোৰ আক্ৰমণত কাৰো মৃত্যু হোৱা নাই। বাঘটোৱে মানুহক আক্ৰমণ কৰি ঘৰৰ চালৰ মাজেৰে পাৰ হৈ এঘৰ মানুহৰ পাকঘৰত আশ্ৰয় লৈছিলগৈ। পাকঘৰত বাঘ দেখি ভয়ত থৰকাছুটি হেৰুৱালে গৃহস্থই।
বাঘটোৱে তিনিজন লোকক আহত কৰে। পৰিস্থিতিৰ প্ৰতি লক্ষ্য ৰাখি স্থানীয় ৰাইজে লগে লগে বন বিভাগ আৰু আৰক্ষীক খবৰ দিয়ে। ইয়াৰ পিছত বন বিভাগৰ দল আৰু আৰক্ষী ঘটনাস্থলীত উপস্থিত হয়। এই সময়তে বাঘটোৱে এজন আৰক্ষীৰ ওপৰতো আক্ৰমণ চলায়। বাঘটোক নিয়ন্ত্ৰণ কৰাটো অতি কঠিন হৈ পৰিছিল যদিও বন বিভাগৰ দলটোৱে হাৰ নামানিলে আৰু চেষ্টা কৰি থাকিল। অৱশেষত বন বিভাগৰ বিষয়াসকলে কঠোৰ পৰিশ্ৰমৰ ফলত লাভ বাঘটোক বন্দী কৰিবলৈ সক্ষম হয়।
চাৰি ঘন্টা ধৰি বাঘটোৰ উদ্ধাৰ অভিযান অব্যাহত থাকে। বাঘটোক ট্ৰেংকুলাইজ কৰাৰ ফলত ঘৰৰ পাকঘৰত সি অজ্ঞান হৈ পৰে। তেতিয়াই তাক বনবিভাগে বন্দী কৰে। বাঘটোক বায়’লজিকেল পাৰ্কলৈ লৈ যোৱা হৈছে। ইয়াৰ উপৰিও আক্ৰমণত আহত লোকসকলক চিকিৎসাৰ বাবে চিকিৎসালয়ত ভৰ্তি কৰোৱা হৈছে।
Continue Reading
