ডিজিটেল ডেস্কঃ পাকিস্তান যেন হৈ পৰিছে দেশ-বিদেশৰ বহু মহিলাৰ বাবে প্ৰেমৰ ভূমি। সৌসিদিনা ভাৰতৰ পৰা এগৰাকী মহিলাই পাকিস্তানলৈ গৈ প্ৰেমিকৰ সৈতে বিয়াত বহাৰ পিছত এইবাৰ চীনৰ এগৰাকী মহিলায়ো একে পথেই লৈছে। চীনা মহিলাগৰাকী তেওঁৰ ছ’চিয়েল মিডিয়াত লগ পোৱা প্ৰেমিকক বিচাৰি পাকিস্তানৰ খাইবাৰ পাখতুনখোৱা প্ৰদেশলৈ গৈছে ৷
পাক আৰক্ষীয়ে এই কথা নিশ্চিত কৰিছে। আৰক্ষীৰ মতে গাও ফেং নামৰ মহিলাগৰাকীয়ে তিনি মাহৰ ভিছালৈ চীনৰ পৰা গিলগিট হৈ ইছলামাবাদত গৈছে। ২১ বছৰীয়া মহিলাগৰাকীক তেওঁৰ ১৮ বছৰীয়া পাক যুৱক জাভেদৰ সৈতে তিনিমাহ পাকিস্তানতে কটাব বুলি জানিব পৰা গৈছে। 
জাভেদে ইতিমধ্যে মহিলাগৰাকীক ইছলামাবাদৰ পৰা নিজৰ গাঁও বাজাউৰলৈ লৈ গৈছে। আৰক্ষীৰ মতে, দুয়ো যোৱা তিনি বছৰ ধৰি স্নেপচ্যাটৰ জৰিয়তে সম্পৰ্কত ৰক্ষা কৰি চলিছিল।
দিৰ জিলাৰ আৰক্ষী বিষয়া জিয়াউদ্দিনে প্ৰকাশ কৰা মতে চীনা মহিলাগৰাকীক সম্পূৰ্ণ নিৰাপত্তা প্ৰদান কৰা হৈছে।
পাকিস্তানী প্ৰেমিকক লগ পাবলৈ ভাৰতৰ পৰা পাকিস্তানলৈ গ’ল অঞ্জু প্ৰসাদ নামৰ মহিলাগৰাকীয়ে ৷ পাকিস্তানৰ নছৰুল্লাহ নামৰ যুৱকজনৰ সৈতে তেওঁৰ আনকি নিকাহো হৈ যোৱাৰ খবৰ নিশ্চিত কৰা হৈছে। অঞ্জুৱে ইতিমধ্যে ইছলাম ধৰ্ণ গ্ৰহণ কৰিছে৷
ফেচবুকৰ জৰিয়তে ২৯ বছৰীয়া পাক যুৱকজনৰ সৈতে চিনাকি হৈছিল ৩৫ বছৰীয়া অঞ্জুৰ। ২০১৯ চনত দুয়োৰে বন্ধুত্ব গঢ় লৈ উঠিছিল ফেচবুকত। ৩৪ বছৰীয়া অঞ্জু প্ৰেমত পৰে ২৯ বছৰীয়া নছৰুল্লাহৰ। আনহাতে অঞ্জু এগৰাকী বিবাহিতা মহিলা আৰু তেওঁৰ দুটি সন্তান আছে।
Continue Reading
