ডিজিটেল ডেস্কঃ আপুনি নিশ্চয় ঘৰত বহি অনলাইন শ্বপিং কৰে। নেডাৰলেণ্ডৰ এটা ৮ বছৰীয়া শিশুৱে অনলাইন শ্বপিঙত এনে এটা বস্তু কিনিলে যি দেখি শিশুটিৰ মাতৃ বেহুঁচ হোৱাৰ উপক্ৰম হয়। ৮ বছৰীয়া ল’ৰাটোৱে ডাৰ্ক ৱেবৰ জৰিয়তে অনলাইনত এ কে-৪৭ অৰ্ডাৰ দিছিল। এই ৰাইফল ঘৰ আহি পাওঁতে পৰিয়ালটো হতভম্ব হৈ পৰে। যেতিয়া পৰিয়ালৰ লোকে ইয়াৰ তথ্য সংগ্ৰহ কৰিবলৈ আৰম্ভ কৰিলে তেতিয়া গম পোৱা গ’ল যে ইয়াৰ আঁৰত আছে ডাৰ্ক ৱেব, ইণ্টাৰনেটৰ ক’লা জগতখন, য’ত এনে অবৈধ কাম-কাজ নিৰ্বিচাৰে কৰা হয়।
শিশুটিৰ মাতৃয়ে এক সাক্ষাৎকাৰত কয় যে তেওঁৰ আঠ বছৰীয়া পুত্ৰই ডাৰ্ক ৱেবৰ জৰিয়তে অনলাইনত এ কে-৪৭ অৰ্ডাৰ দিছিল। আশ্চৰ্যজনকভাৱে এই ৰাইফলটোও শিশুটোৰ হাতত ডেলিভাৰী কৰা হৈছিল। এক সাক্ষাৎকাৰত এ কে ৪৭ ক্ৰয় কৰা শিশুটিৰ মাতৃ বাৰ্বাৰাা জেমেনে কয় যে তেওঁৰ পুত্ৰই আগতে কম্পিউটাৰত বহু সময় কটায় আৰু আঠ বছৰ বয়সৰ পৰাই হেকিং আৰম্ভ কৰিছিল। আনকি কয় যে হেকাৰে তেওঁৰ পুত্ৰক ধন সৰবৰাহৰ বাবেও ব্যৱহাৰ কৰিছিল।
বাৰ্বাৰাৰ মতে আমি পুত্ৰৰ কোঠালৈ যাওঁতে অনলাইন গেম খেলি থাকোঁতে ক’ড শব্দৰে কথা পাতিছিল। পুত্ৰই এ কে ৪৭ অৰ্ডাৰ দিয়াৰ কথা গম পাই কথাবোৰ সলনি হৈ গ’ল। পুত্ৰই শুল্কৰ পৰা বাচিবৰ বাবে পোলেণ্ডৰ পৰা বুলগেৰিয়ালৈ বন্দুকটো প্ৰেৰণ কৰিছিল, তাৰ পাছত নেদাৰলেণ্ডলৈ আহিছিল বন্দুকটো। বাৰ্বাৰাই কয় যে মই ৰাইফলটো স্থানীয় আৰক্ষী বিভাগক গতাই দিলোঁ। জেৰাৰ অন্তত পুত্ৰৰ বিৰুদ্ধে কোনো আইনী ব্যৱস্থা গ্ৰহণ নকৰিলে আৰক্ষীয়ে। তদন্তত প্ৰকাশ পাইছে যে তেওঁ আন্তঃৰাষ্ট্ৰীয় হেকাৰৰ জালত পৰিছে।
Continue Reading
