ডিজিটেল ডেস্ক: সোমবাৰে আফগানিস্তানে ইতিহাস ৰচি পৰাস্ত কৰিলে পাকিস্তানক৷ চেন্নাইত অনুষ্ঠিত খেলখনত পাকিস্তান আফগানিস্তানৰ হাতত পৰাজিত হোৱাৰ পাছত চৰ্চালৈ আহিছে ৱাছিম আক্ৰাম৷
দলটোৱে পৰাজয়ৰ হেট্ৰিকৰ সন্মুখীন হৈছে৷ ধাৰাবাহিক পৰাজয়ৰ পাছত ক্ষোভিত হৈ পাকিস্তানী ক্ৰিকেট দলৰ ধাৰাভাষ্যকাৰ আক্ৰামে কয় যে দলটোৱে আইনাত নিজকে ভালদৰে চাব লাগিব। তেওঁ কয়, দেওবাৰৰ খেলখনত পাকিস্তানৰ ভূমিকা লজ্জাজনক আছিল। মাত্ৰ দুটা উইকেট হেৰুৱাই ২৮০ ৰাণত উপনীত হোৱাটো যথেষ্ট ডাঙৰ। ফিল্ডিং, ফিটনেছৰ স্তৰ চাওক। আমি যোৱা ৩ সপ্তাহ ধৰি চিঞৰি আছোঁ যে এই খেলুৱৈসকলে যোৱা দুবছৰত ফিটনেছ পৰীক্ষা কৰা নাই। যদি মই ব্যক্তিগত নাম লোৱা আৰম্ভ কৰোঁ, তেওঁলোকে লজ্জাবোধ কৰিব। এনেকুৱা লাগিছে যেন এই ল’ৰাবোৰে প্ৰতিদিনে ৮ কিলোকৈ ছাগলী মাংস খাই আছে।
তেওঁ পুনৰ কয়, পেছাদাৰীভাৱে আপোনালোকে বেতন পাইছে, আপোনাৰ দেশৰ হৈ খেলি আছে। এটা নিৰ্দিষ্ট চৰ্ত থাকিব লাগিব। ফিল্ডিং হৈছে ফিটনেছৰ বিষয় আৰু ইয়াতেই আমাৰ অভাৱ আছে। এতিয়া আমি সেই একেই স্থিতিত উপনীত হৈছোঁ, য'ত আমি ‘যদি আৰু কিন্তু’ ঘটিবলৈ প্ৰাৰ্থনা কৰিম।
