ডিজিটেল ডেস্কঃ মৃত্যু হৈছে বিশ্বৰ সৰ্বাধিক বয়সীয়াল কুকুৰটোৰ। ৩১ বছৰ ১৬৫ দিন বয়সত মৃত্যু হয় ববী নামৰ এই কুকুৰটোৰ। শনিবাৰে পৰ্তুগালৰ নিজৰ ঘৰত শেষ নিশ্বাস ত্যাগ কৰে গিনিজ ৱৰ্ল্ড ৰেকৰ্ডধাৰী ববিয়ে। কুকুৰটো ৰাফেইৰো ডো আলেণ্টেজোৰ জাতৰ আছিল। সাধাৰণতে এই জাতৰ কুকুৰৰ গড় আয়ুস ১২ৰ পৰা ১৪ বছৰ।
কুকুৰটোৰ মৃত্যুৰ কথা ছ’চিয়েল মিডিয়াত ঘোষণা কৰে এগৰাকী পশু চিকিৎসকে। ফেব্ৰুৱাৰী মাহত ববি বিশ্বৰ আটাইতকৈ বয়সীয়াল জীৱিত কুকুৰ আৰু এতিয়ালৈকে আটাইতকৈ বয়সীয়াল কুকুৰ দুয়োটা খিতাপৰে অধিকাৰী হয়। পিছৰ খিতাপটোৰ বাবে প্ৰায় শতিকা পুৰণি অভিলেখ অতিক্ৰম কৰে ববীয়ে। পৰ্তুগালৰ পশ্চিম উপকূলৰ ওচৰৰ কনকুৱেৰ’ছ গাঁৱত কোষ্টা পৰিয়ালৰ সৈতে ববীয়ে গোটেই জীৱন কটাইছিল।
ইয়াৰ পূৰ্বে এতিয়ালৈকে আটাইতকৈ বয়সীয়াল কুকুৰটো আছিল অষ্ট্ৰেলিয়াৰ ব্লুই, যাৰ ১৯৩৯ চনত ২৯ বছৰ পাঁচ মাহ বয়সত মৃত্যু হয়। গিনিজ ৱৰ্ল্ড ৰেকৰ্ডছে আন এটা কুকুৰ ২৩ বছৰীয়া স্পাইক দ্য চিহুয়াৱাকো আটাইতকৈ বয়সীয়াল জীৱিত কুকুৰ হিচাপে নামকৰণ কৰিছিল। এতিয়া এই মুকুটৰ গৰাকী ২৩ বছৰীয়া স্পাইক।
Continue Reading
