পাকিস্তানীয়ে ধ্বংস কৰা বাংলাদেশৰ কালী মন্দিৰৰ পুনঃনির্মাণ; উদ্বোধন ৰাষ্ট্রপতি কোৱিন্দৰ

ডিজিটেল ডেস্কঃ ১৯৭১ত পাকিস্তানী সেনাই ধ্বংস কৰা বাংলাদেশৰ ঢাকাৰ কালী মন্দিৰৰ পুনৰ নির্মাণ কৰা হ'ল। ঢাকাত পুনৰ নির্মিত ঐতিহাসিক কালী মন্দিৰটোৰ শুভ উদ্বোধন কৰে ভাৰতৰ ৰাষ্ট্রপতি ৰামনাথ কোৱিন্দে৷ ১৯৭১ চনৰ বাংলাদেশৰ মুক্তিযুদ্ধৰ সময়ত পাকিস্তানী সেনাই পাকিস্তানী সেনাই অপাৰেচন চার্চলাইটৰ সময়ত এই কালী মন্দিৰটো সম্পূর্ণৰূপে ধ্বংস কৰিছিল৷ মুক্তিযোদ্ধাৰ বিৰুদ্ধে অভিযান চলোৱা পাকিস্তানী সেনাই মন্দিৰটোত অগ্নিসংযোগ কৰাৰ ফলত ভক্তসহ অনেক লোকে প্রাণ হেৰুৱাইছিল৷এই কথাই হিন্দু ধৰ্মাৱলম্বীসকলক মোক্ষম আঘাত দিছিল। ধ্বংস হোৱা মন্দিৰটো পুনৰ নিৰ্মাণ হৈ উঠাত সুখী হৈ পৰিছে প্ৰতিজন ধৰ্মপ্ৰাণ লোক।

পুনৰ নির্মিত ঐতিহাসিক কালী মন্দিৰটো বাংলাদেশ ভ্রমণৰত ভাৰতৰ ৰাষ্ট্রপতি ৰামনাথ কোৱিন্দে আনুষ্ঠানিকভাৱে উদ্বোধন কৰে৷ পত্নী সবিতা কোৱিন্দৰ সৈতে কালী মাৰ ওচৰত প্রার্থনা জনাই সকলোৰে কুশল মংগল কামনা কৰে ৰাষ্ট্ৰপতিগৰাকীয়ে৷ কালী মন্দিৰটো উদ্বোধন কৰি ৰাষ্ট্রপতি কোৱিন্দে কয় যে ''ভাৰত আৰু বাংলাদেশৰ জনগণৰ মাজত সাংস্কৃতিক–আধ্যাত্মিক প্রতীক এই কালী মন্দিৰটো। মন্দিৰটো ধ্বংস হৈছিল যদিও মা কালীৰ আশীর্বাদ তথা ইচ্ছাৰ বাবেই মন্দিৰটো পুনৰ নিৰ্মাণ সম্ভৱ হৈ উঠিল৷ ঐতিহাসিক ৰামনা কালী মন্দিৰ শুভ উদ্বোধন কৰিব পৰাটো মোৰ বাবে বিশেষ মর্যাদাসম্পন্ন৷ এয়া কালী মাৰ আশীৰ্বাদ।'' উল্লেখ্য যে বাংলাদেশৰ স্বাধীনতাৰ স্বর্ণ জয়ন্তী উপলক্ষে দেশখনৰ ৰাষ্ট্রপতি এম আব্দুল হামিদৰ আমন্ত্রণমর্মে প্রথমবাৰৰ বাবে বাংলাদেশ ভ্রমণত গৈছিল ৰামনাথ কোৱিন্দ। তিনি দিনীয়া ভ্ৰমণসূচীৰে সপত্নীক বাংলাদেশ ভ্ৰমণলৈ গ'ল ভাৰতৰ ৰাষ্ট্ৰপতি কোৱিন্দ।

আৰু পঢ়কঃ আহি আছে ‘শ্ব’মেন’ ৰাজ কাপুৰৰ বায়’পিক! নিৰ্মাণ কৰিব নাতি ৰণবীৰে