ডিজিটেল ডেস্কঃ চুবুৰীয়া দেশ পাকিস্তানৰ খাদ্য সমস্যাই পুনৰ চূড়ান্ত ৰূপ পাইছে। মুদ্ৰাস্ফীতিক নিয়ন্ত্ৰণৰ বাবে চৰকাৰে কোনো পদক্ষেপ গ্ৰহণ কৰা নাই। পাকিস্তান পৰিসংখ্যা ব্যুৰোৰ তথ্য অনুসৰি যোৱা সপ্তাহৰ পৰা দেশত মুদ্ৰাস্ফীতিৰ হাৰ ৪১ শতাংশৰ ওপৰত। দেশত দেখা গৈছে আটা, চাউল, চাহ, কুকুৰা, গেছ আৰু বিদ্যুতৰ মূল্যৰ অভূতপূৰ্ব বৃদ্ধি। পাকিস্তানৰ স্পৰ্শকাতৰ মূল্য সূচকাংক ৪২.৬ শতাংশ বৃদ্ধি পাইছে।
খাদ্য সামগ্ৰীৰ বৰ্ধিত মূল্যক লৈ যদি জনসাধাৰণ চিন্তিত, তেন্তে পাকিস্তানী ৰাজনীতিবিদসকল ৰাজনীতিত ব্যস্ত। বৰ্তমান পাকিস্তানত অন্তৱৰ্তীকালীন চৰকাৰ এখনে কাম কৰি আছে যদিও নিৰ্বাচনৰ বাবে মুদ্ৰাস্ফীতি আৰু দৰিদ্ৰতাত জীৱন কটোৱা জনসাধাৰণৰ প্ৰতি কোনেও গুৰুত্ব দিয়া নাই।
খাদ্য সামগ্ৰীৰ বাবে জনসাধাৰণৰ অৱস্থা ইতিমধ্যে দুৰ্বিষহ আছিল যদিও এতিয়া কোনো ধৰণৰ সকাহ দিয়াৰ পৰিৱৰ্তে চৰকাৰে আন এক বোজা জাপি দিছে। ২০২৪ চনৰ প্ৰথম ত্ৰৈমাসিকৰ তুলনাত প্ৰতি ইউনিটত ১.১৫ টকাকৈ বিদ্যুতৰ মূল্য বৃদ্ধি হোৱা বুলি এক জাননী জাৰি কৰিছে৷
প্ৰথম কথা পাকিস্তানত ধনৰ অভাৱ। দিনটোত দুবাৰকৈও আহাৰ পোৱাটো কঠিন। পাকিস্তানৰ সংবাদ মাধ্যমৰ বাতৰি অনুসৰি প্ৰদূষণৰ পৰা পৰিত্ৰাণ পাবলৈ কৃত্ৰিম বৰষুণৰ বাবে ৩৫ কোটি টকা খৰচ হ’ব লাগিছিল যদিও ইউ এ ইয়ে লাহোৰৰ ১০ ঠাইত কোনো খৰচ নোহোৱাকৈ বৰষুণ দিয়ে।
Continue Reading
