ডিজিটেল ডেস্কঃ প্ৰাক্তন প্ৰেমিকৰ প্ৰতি থকা ঘৃণা অথবা বেয়াপোৱাই আপোনাক অতিষ্ঠ কৰি তুলিছে নেকি? আপুনি তেওঁৰ নামেৰে পইতাচোৰাৰ নামাকৰণ কৰিব বিচাৰিছে নেকি? চিৰিয়াখানাই আপোনাক এই সুযোগ দিব।কানাডাৰ এখন চিৰিয়াখানাই ভেলেণ্টাইন দিৱস উপলক্ষে 'পইতাচোৰাৰ নামকৰণ' কাৰ্যসূচী ঘোষণা কৰিছে। আহক জানো প্ৰকৃততে কি এই কাৰ্যসূচী?
খিংখিঙীয়া বছ হওঁক বা দূৰৰ আত্মীয়ই হওঁক, চুবুৰীয়া অথবা প্ৰাক্তন প্ৰেমিকেই হওঁক, সকলোৰে জীৱনত এনে কিছুমান লোক আছে যাৰ নামটোৱে আপোনাক বিৰক্ত কৰে। কিন্তু ই যিমানেই বিৰক্তিকৰ নহওঁক কিয়, সেই বিৰক্তি প্ৰকাশ কৰাৰ কোনো উপায় নাই! কানাডাৰ এখন চিৰিয়াখানাই এটা ডাঙৰ সুযোগ আনিছে।
ভেলেণ্টাইন দিৱস উপলক্ষে টৰণ্টো চিৰিয়াখানাই পইতাচোৰাা নামকৰণ নামৰ এক কাৰ্যসূচী ঘোষণা কৰিছে। এই কাৰ্যসূচীৰ অধীনত, চিৰিয়াখানালৈ অহা লোকসকলে তেওঁলোকে অপছন্দ কৰা ব্যক্তিজনৰ নামেৰে পইতাচোৰাৰ নাম দিব পাৰে। এই ব্যক্তিজন যিকোনো হ'ব পাৰে। আপোনাৰ বছ, প্ৰাক্তন, বা পৰিয়ালৰ সদস্য
ইয়াৰ মূল্য ২৫ ডলাৰ (ভাৰতীয় মুদ্ৰাত ১,৫০৭ টকা) হ'ব, চিৰিয়াখানাই এটা টুইটত কয়, "আপোনাৰ জীৱনত এনে কোনো আছে নেকি যাৰ বিৰক্তিৰ ফলত আপুনি কষ্ট পায়? তাৰ পিছত ভেলেণ্টাইন দিৱস উপলক্ষে তেওঁলোকৰ নামেৰে পইতাচোৰাৰ নাম দিয়ক। ''
গোটেই নামকৰণ প্ৰক্ৰিয়াটো অনলাইন হ'ব। আপুনি কোৱাৰ দৰেই পইতাচোৰাৰ নাম ৰখা হ’ব৷ তাৰ পিছত, ডিজিটেল প্ৰমাণপত্ৰ আৰু ডিজিটেল গ্ৰাফিক চিৰিয়াখানা কৰ্তৃপক্ষই প্ৰদান কৰিব।
চিৰিয়াখানাৰ এই অভিনৱ পদক্ষেপে বহুতৰে চৰ্চা লাভ কৰিছে। এজন ব্যক্তিয়ে লিখিছিল, "এইটো বহুত ধেমেলীয়া! মোৰ প্ৰেমিকে মোক ভেলেণ্টাইন দিৱসত এৰি গৈছিল, যিটো মোৰ বাবে প্ৰতিশোধ লোৱাৰ এক সোণালী সুযোগ। অৱশ্যে, বহুতে এই কাৰ্যসূচীক তীব্ৰ গৰিহণা দিয়াও দেখা গৈছে৷
Continue Reading
