ডিজিটেল ডেস্কঃ পাৰ্লে-জী৷ এই জনপ্ৰিয় বিস্কুটবিধ সকলো শ্ৰেণীৰ লোকৰ মাজত অতি জনপ্ৰিয়। জানো আহক পাৰ্লে-জীৰ বিষয়ে৷
পাৰ্লে জি বিস্কুট প্ৰথম প্ৰস্তুত হৈছিল মুম্বাইৰ ভিলে পাৰ্লে অঞ্চলৰ এটা পুৰণি কাৰখানাত। মোহনলাল দয়াল নামৰ ব্যক্তিগৰাকীয়ে ১৯২৯ চনত এই কাৰখানাটো ক্ৰয় কৰিছিল। তাৰ পিছত মোহনলাল দয়ালে এই কাৰখানাত মিঠাই বনাবলৈ আৰম্ভ কৰিলে।
১৯৩৮ চনত প্ৰথমবাৰৰ বাবে এই কাৰখানাত পাৰ্লে গ্লুকো নামৰ বিস্কুটৰ উৎপাদন আৰম্ভ হয়। ১৯৮০ চনৰ পিছত পাৰ্লে গ্লুকোক চুটি কৰি পাৰ্লে জি বুলি কোৱা হয়। পাৰ্লে জিত থকা “জি” ৰ অৰ্থ হ’ল গ্লুক’জ।
পাৰ্লে জি কেৱল ভাৰততে নহয় বিদেশতো অতি জনপ্ৰিয়। আমেৰিকা যুক্তৰাষ্ট্ৰৰ দৰে দেশতো পাৰ্লে জি বিক্ৰী হয়। আমাৰ চুবুৰীয়া দেশ পাকিস্তানতো পাৰ্লে জিৰ চাহিদা আছে।
বৰ্তমান ভাৰতত ৬৫গ্ৰাম পাৰ্লে জি বিস্কুটৰ এটা পেকেটৰ দাম মাত্ৰ ৫ টকা। আমেৰিকাত ৫৬.৫ গ্ৰাম ওজনৰ ৮ পাৰ্লে জি বিস্কুটৰ পেকেট ১ ডলাৰত বিক্ৰী হয়। অৰ্থাৎ আজিৰ তাৰিখত ভাৰতীয় মূল্যৰ হিচাপত ৮০.৫০ টকাৰ বিনিময়ত আমেৰিকাত ৮ পেকেট সৰু পাৰ্লি জি বিস্কুটৰ পেকেট কিনিবলৈ পোৱা যায়।
আনহাতে, পাকিস্তানত এতিয়া তীব্ৰ হাৰত মূল্য বৃদ্ধি দেখা পোৱা গৈছে৷ পাৰ্লে জি বিস্কুটৰ এটা পেকেটৰ দাম পাকিস্তানত ৫০ টকা হৈছেগৈ৷
Continue Reading
