ডিজিটেল ডেস্কঃ নিউব্ৰিউ(NEWBrew) নামৰ এক বিয়েৰে দখল কৰিছে সংবাদ শিৰোনাম। নিউব্ৰিউ কোনো সাধাৰণ বিয়েৰ নহয়। ছিংগাপুৰৰ এজন বিয়েৰ নিৰ্মাতাই লৈ আহিছে 'নিউব্ৰু' নামৰে এক নতুন বিয়েৰ। আপুনি জানেনে, এই বিয়েৰ কিহৰ দ্বাৰা তৈয়াৰ কৰা হয়? এক বিশেষ প্ৰক্ৰিয়াৰে পুনঃব্যৱহৃত নলা-নৰ্দমা, টয়লেটৰ পানী আৰু প্ৰস্ৰাৱৰ জৰিয়তে এই বিয়েৰ সৃষ্টি কৰা হয়। মানদণ্ডৰ ফালৰ পৰা এই বিয়েৰে আন্তৰ্জাতিক পৰ্যায়ৰ মানদণ্ড অতিক্ৰম কৰিছে। এই বিয়েৰৰ সোৱাদ অতি মিঠা।
সংবাদ সংস্থাৰ মতে, ৮ এপ্ৰিলত ছিংগাপুৰত আন্তৰ্জাতিক পানী সপ্তাহত ক্ৰাফ্ট বিয়েৰ মুকলি কৰা হৈছিল। ছিংগাপুৰ আন্তঃৰাষ্ট্ৰীয় জল সপ্তাহৰ পৰিচালনা সঞ্চালকে কয় যে পানী নৱীকৰণসম্পৰ্কে অধিক সজাগতা বিয়পোৱাৰ লক্ষ্যৰে এই পদক্ষেপ লোৱা হৈছে। সমগ্ৰ বিশ্বতে পানীৰ সংকট আছে। পানীৰ অপচয়ৰ ঘটনাও দেখিবলৈ পোৱা যায়। সেই পৰিস্থিতিত এনে বিয়েৰ সৃষ্টি কৰি পানী সংৰক্ষণ আৰু পানীৰ পুনৰ্ব্যৱহাৰ উৎসাহিত কৰিব বিচৰা হৈছে।
৫৮ বছৰীয়া চ্যু ৱেই লিয়ানে কয় যে মই ধৰিবই পৰা নাছিলো যে এইটো শৌচাগাৰৰ পানীৰে তৈয়াৰ কৰা হৈছে। মানে ইয়াৰ সোৱাদ বিয়েৰৰ দৰেই, আৰু মই বিয়েৰ ভাল পাওঁ।" বিয়েৰ কোম্পানীটোৱে কয় যে নতুন বিয়েৰটো ছিংগাপুৰবাসীক বহনক্ষম পানী ব্যৱহাৰ আৰু পুনঃব্যৱহাৰৰ গুৰুত্বৰ বিষয়ে জ্ঞান দিয়াৰ প্ৰচেষ্টাৰ অংশ হিচাপে লোৱা হৈছে। টয়লেট,নলাৰ পানী, প্ৰস্ৰাৱ ৰিচাইক্লিং কৰি এই বিয়েৰ তৈয়াৰ কৰা হয়।
এসময়ত বহুলাংশে প্ৰতিৰোধ কৰা নলা-নৰ্দমাক খোৱাপানীলৈ ৰূপান্তৰিত কৰাৰ ধাৰণাটোৱে বিগত দশকত সমৰ্থন লাভ কৰি আহিছে কাৰণ বিশ্বৰ বহু স্থানত পানীৰ সংকটে দেখা দিছে। বিশ্ব বন্যপ্ৰাণী পুঁজিৰ অনুমান অনুসৰি বছৰি কমেও এমাহলৈকে ২৭ লাখ লোকে পানীৰ অভাৱ অনুভৱ কৰে।
ছিংগাপুৰৰ এই আৰ্হি লছ এঞ্জেলছ, ইজৰাইল, লণ্ডনৰ দৰে চহৰসমূহেও অনুসৰণ কৰাৰ পৰিকল্পনা কৰি আছে।
Continue Reading
