ডিজিটেল ডেস্কঃ অৱশেষত প্ৰায় ডেৰ শতিকাৰ ‘ অভিশাপ’ শেষ হ’ল। ১৩৮ বছৰৰ পাছত আমেৰিকান পৰিয়ালত এগৰাকী কন্যা সন্তানৰ জন্ম হয়। দুসপ্তাহ পূৰ্বে আমেৰিকাৰ দম্পতী এণ্ড্ৰু আৰু কেৰ’লিন ক্লাৰ্কে এটি কন্যাসন্তানক আদৰণি জনাইছে। ছোৱালীজনীৰ নাম ৰখা হৈছে অড্ৰে।
কন্যা সন্তানৰ জন্মই ক্লাৰ্কৰ ঘৰখনত এক উৎসৱমুখৰ পৰিৱেশৰ সৃষ্টি কৰিছে। ইয়াৰ পূৰ্বে ১৮৮৫ চনত ক্লাৰ্ক পৰিয়ালত এগৰাকী কন্যা সন্তানৰ জন্ম হৈছিল। তাৰপাছৰে পৰা কন্যাসন্তানৰ মুখ দেখা নাছিল পৰিয়ালটোৱে৷
সংবাদ মাধ্যমক এণ্ড্ৰুৱে কয় যে এগৰাকী কন্যা সন্তানৰ জন্ম গোটেই পৰিয়ালটোৰ বাবে এক আচৰিত কথা৷
ইয়াৰ উপৰিও কেৰ’লিন ক্লাৰ্কে কয়- ‘‘দহ বছৰ আগতে যেতিয়া এণ্ড্ৰুৰ লগত ডেটিং আৰম্ভ কৰিছিল তেতিয়া এণ্ড্ৰুৱে তেওঁক পৰিয়ালৰ এই ‘অভিশাপ’ৰ কথা কৈছিল। এণ্ড্ৰুৱে কেৰ’লিনক জনাইছিল যে ১৮৮৫ চনৰ পিছত তেওঁলোকৰ পৰিয়ালত কোনো কন্যা সন্তান জন্ম হোৱা নাই। এণ্ড্ৰুৱে যেতিয়া মোক এই কথা কৈছিল, তেতিয়া মই বিশ্বাস কৰিব পৰা নাছিলো। কিন্তু বিয়াৰ পিছত তাৰ পৰিয়ালৰ পৰাও একেই কথা শুনিবলৈ পাওঁ। মোৰ অন্তৰত কামনা কৰিলোঁ যে মোৰ গৰ্ভত কন্যা সন্তান জন্ম হওক।’’
এণ্ড্ৰু আৰু কেৰ’লিনৰ এটা পাঁচ বছৰীয়া পুত্ৰও আছে। ইয়াৰ পিছত ২০২১ চনত কেৰ’লিন গৰ্ভৱতী হয়। কিন্তু বিভিন্ন সমস্যাৰ বাবে ভ্ৰূণ ধ্বংস হয়। যোৱা বছৰৰ ছেপ্টেম্বৰ মাহত কেৰ’লিন পুনৰ গৰ্ভৱতী হৈছিল। তাৰ পিছত আহিল ভাল খবৰ।
কেৰ’লিনে কয় যে তেওঁলোকৰ জীৱনত কন্যাৰ আগমন চন্দ্ৰৰ দৰে। সংবাদ মাধ্যমৰ আগত তেওঁ শিশুটি সুস্থ বুলিও কয়।
Continue Reading
