ডিজিটেল ডেস্কঃ ১০০ বছৰৰ পাছত পুথিভঁৰাললৈ ঘূৰি আহিল জমা দিবলৈ থকা এখন গ্ৰন্থ! আমেৰিকা যুক্তৰাষ্ট্ৰৰ কেলিফৰ্ণিয়াৰ ছেইণ্ট হেলেনা পাব্লিক লাইব্ৰেৰীত সংঘটিত হৈছে এই কাণ্ড। পুথিভঁৰাল কৰ্তৃপক্ষই কয় যে তেওঁলোকে প্ৰায় ১০০ বছৰ আগতে পুথিভঁৰালৰ পৰা পঢ়াৰ বাবে লৈ যোৱা এখন গ্ৰন্থ ঘূৰাই পাইছে।
বিখ্যাত এই গ্ৰন্থখনৰ নাম ‘এ হিষ্ট্ৰী অৱ দ্য ইউনাইটেড ষ্টেটছ’। লেখক বেনছন লছিং। ১৮৮১ চনৰ আশে-পাশে এই গ্ৰন্থখন প্ৰকাশ পোৱা বুলি জনা গৈছে। গ্ৰন্থখন দিয়াৰ পিছত পুথিভঁৰালৰ ৰেকৰ্ডত লিখা আছিল যে ১৯২৭ চনৰ ২১ ফেব্ৰুৱাৰীত কিতাপখন ঘূৰাই দিয়া হ’ব। পুথিভঁৰালৰ ৰেকৰ্ডৰ পৰা স্পষ্ট নহয় যে কিতাপখন সঠিকভাৱে কোনে ধাৰলৈ লৈছিল। এটা নাম পোৱা গৈছে যদিও সেই নামটোৰ বিষয়ে পুথিভঁৰালটো বৰ নিশ্চিত নহয়।
যিকোনো পুথিভঁৰালত সাধাৰণতে ১৫ দিনৰ পিছত কিতাপ ঘূৰাই দিয়াটো নিয়ম। যদি নিদিয়ে, তেন্তে লেট ফাইন লগোৱা হয়। কিন্তু ছেইণ্ট হেলেনা পাব্লিক লাইব্ৰেৰীৰ পৰিচালকে কয় যে তেওঁলোকে দেৰিকৈ কিতাপ ঘূৰি অহাৰ বাবে জৰিমনা নলয়। পুথিভঁৰাল কৰ্তৃপক্ষই যদি কিতাপখনৰ বাবে জৰিমনা লগাব লগা হয়, তেন্তে সদস্যজনে জৰিমনাৰ বিনিময়ত ১৪১৩ ডলাৰ দিব লাগিব। ভাৰতীয় মুদ্ৰাত যিটো প্ৰায় ১ লাখ ১৭ হাজাৰ টকা!
Continue Reading
