--°C
Loading...
Listen to Article
2 min read
80%
ডিজিটেল ডেস্কঃ ৫০০ বছৰৰ অপেক্ষাৰ অন্তত অযোধ্যাৰ  ৰাম মন্দিৰ উদ্বোধনৰ বাবে সাজু হৈ উঠিছে। ২২ জানুৱাৰীত অনুষ্ঠিত হ'ব ৰাম মন্দিৰৰ উদ্বোধনী অনুষ্ঠান। ইয়াৰ বাবে প্ৰধানমন্ত্ৰী নৰেন্দ্ৰ মোদীলৈও আমন্ত্ৰণ পত্তৰ  প্ৰেৰণ কৰা হৈছে। প্ৰধানমন্ত্ৰী নৰেন্দ্ৰ মোদীয়ে মন্দিৰৰ উদ্বোধনী অনুষ্ঠান আৰু প্ৰাণ প্ৰতিষ্ঠা কাৰ্যসূচীত অংশগ্ৰহণ কৰিব। এনে সময়তে ৰাম জন্মভূমি ন্যাসৰ সাধাৰণ সম্পাদক চম্পত ৰায়ে প্ৰাণ প্ৰতিষ্ঠ কাৰ্যসূচীৰ পূৰ্বে প্ৰধানমন্ত্ৰী মোদীৰ বিষয়ে এটা বিশেষ  মন্তব্য কৰিছে। চম্পত ৰায়ে প্ৰধানমন্ত্ৰী মোদীক ভগৱান বিষ্ণুৰ অৱতাৰৰ সৈতে তুলনা কৰিছে। 


চম্পত ৰায়ে কয় যে হিন্দু ধৰ্মত দেশৰ ৰজাক বিষ্ণুৰ মৰ্যাদা দিয়া হয়। প্ৰধানমন্ত্ৰী মোদী দেশৰ গণতন্ত্ৰৰ জনপ্ৰিয় শীৰ্ষ  ব্যক্তি। তেওঁ সেয়ে  সাধাৰণ মানুহ নহয়। তেওঁ বিষ্ণুৰ অৱতাৰ। উল্লেখ্য  অযোধ্যাত নিৰ্মাণ হৈ উঠিছে ৰামলালাৰ  মন্দিৰ। ২০২৪ চনৰ ২২ জানুৱাৰীত মন্দিৰ পবিত্ৰ কৰাৰ পূৰ্বে সকলো প্ৰস্তুতি চূড়ান্ত কৰা হৈছে। উচ্চতম ন্যায়ালয়ৰ ঐতিহাসিক সিদ্ধান্তৰ পিছতে ৰামমন্দিৰ নিৰ্মাণৰ পৰিকল্পনা সম্পূৰ্ণ হৈ উঠিছে। শ্ৰী ৰাম জন্মভূমি বাবৰি মছজিদ বিবাদত ২০১৯ চনত উচ্চতম ন্যায়ালয়ে ঐতিহাসিক সিদ্ধান্ত লৈছিল। ইয়াৰ পিছত কেন্দ্ৰৰ নৰেন্দ্ৰ মোদীৰ চৰকাৰে শ্ৰী ৰাম জন্মভূমি তীৰ্থ ক্ষেত্ৰ ট্ৰাষ্ট  গঠন কৰি ৰাম মন্দিৰ নিৰ্মাণৰ পৰিকল্পনা যুগুত কৰে। 

ট্ৰাষ্টৰ দ্বাৰা নিৰ্মাণ কৰা  মন্দিৰটো দেখি সকলোৱে গৌৰৱ অনুভৱো কৰে। নাগাৰা শৈলীত নিৰ্মাণ কৰি থকা হৈছে অযোধ্যাৰ ৰামমন্দিৰ। ইয়াৰ আৰ্হি প্ৰস্তুত কৰিছে বিখ্যাত স্থপত্যবিদ চন্দ্ৰকান্ত ভাই সোমপুৰাৰ এটা দলে। এই মন্দিৰ সন্দৰ্ভত ট্ৰাষ্টীয়ে দাবী কৰিছে যে হাজাৰ বছৰলৈকে ইয়াৰ কোনো মেৰামতিৰ প্ৰয়োজন নহ’ব। এই মন্দিৰে যুগ যুগ ধৰি ভগৱান শ্ৰীৰামৰ মহিমাৰ কথা মানুহক সোঁৱৰাই  থাকিব।

ৰাম জন্মভূমিত নিৰ্মাণ হৈ থকা এই ৰামমন্দিৰটো মূলতঃ ৰাজস্থানৰ মিৰ্জাপুৰ আৰু বংসী-পাহাৰপুৰৰ গুলপীয়া বেলেগ বেলেগ ধৰণৰ  শিল আৰু  মাৰ্বলৰ দ্বাৰা নিৰ্মিত। ইয়াৰ উপৰি ইয়াত ১৭ হাজাৰ গ্ৰেনাইট শিল ব্যৱহাৰ কৰা হৈছে, যাৰ প্ৰতিটোৰ ওজন ২ টন। শ্ৰী ৰাম জন্মভূমি তীৰ্থ ক্ষেত্ৰ ট্ৰাষ্টৰ সাধাৰণ সম্পাদক চম্পট ৰায়ে কয় যে মন্দিৰ নিৰ্মাণত এতিয়ালৈকে ২১ লাখ ঘনফুট গ্ৰেনাইট, অন্যান্য শিল আৰু মাৰ্বল ব্যৱহাৰ কৰা হৈছে। এই মন্দিৰটো মানুহৰ আস্থা আৰু ভক্তিৰ কেন্দ্ৰবিন্দু হৈ পৰিব। এই মন্দিৰে শ্ৰীৰামৰ শক্তিক ৰাইজৰ আগত বিমূৰ্ত কৰি তোলাত  সফল হ’ব। আনহাতে অনুমান কৰা হৈছে যে ২০২৪ চনৰ ২৭ জানুৱাৰীৰ পৰা সাধাৰণ জনতাৰ বাবে মুকলি কৰা হ’ব ৰাম মন্দিৰ।

বিশেষজ্ঞৰ পৰামৰ্শ মতে মন্দিৰ নিৰ্মাণত তীখা আৰু সাধাৰণ চিমেণ্ট ব্যৱহাৰ কৰা হোৱা নাই। আইআইটি চেন্নাইৰ লগত আলোচনাৰ অন্তত স্থাপন কৰা ভেটিটো ১২ মিটাৰ দ’। ভেটিটোত মুঠ ৪৭ টা তৰপ স্থাপন কৰা হৈছে। লগতে ৰায়ে কয় যে কমেও ১০০০ বছৰলৈকে মন্দিৰটোৰ কোনো ধৰণৰ মেৰামতিৰ প্ৰয়োজন নহ’ব। আনকি ৬.৫ প্ৰাবল্যৰ ভূমিকম্পয়ো ইয়াৰ ভেটি জোকাৰিব নোৱাৰিব। 

ৰাম মাণ্ডাৰী নিৰ্মাণ সমিতিৰ অধ্যক্ষ নৃপেন্দ্ৰ মিশ্ৰই প্ৰথম পৰ্যায়ৰ অৰ্থাৎ তলৰ মহলাৰ নিৰ্মাণ কাম সম্পূৰ্ণ কৰিবলৈ ১৫ ডিচেম্বৰৰ সময়সীমা নিৰ্ধাৰণ কৰিছিল। দ্বিতীয় পৰ্যায়ত প্ৰথম আৰু দ্বিতীয় মহলা, সকলো চিত্ৰ আৰু মূৰ্তিৰ কামৰ লগতে প্ৰায় ৩৬০টা বিশাল খুঁটাৰ ওপৰত খোদিত কাম কৰিব লাগিব। এই কাম ২০২৪ চনৰ ডিচেম্বৰৰ ভিতৰত সম্পূৰ্ণ হ’ব। প্ৰথম মহলাত ৰাম দৰবাৰ থাকিব আৰু প্ৰতিটো স্তম্ভত  বিভিন্ন দেৱ-দেৱীৰ ২৫-৩০ টাকৈ মূৰ্তি খোদিত কৰা হ’ব। তৃতীয় পৰ্যায়ত ৭১ একৰ মাটিত এটা প্ৰেক্ষাগৃহ আৰু এখন দেৱাল নিৰ্মাণ কৰা হ’ব। ইয়াত ব্ৰঞ্জৰ দেৱালত চিত্ৰ আৰু সপ্তঋষিৰ মন্দিৰ আদি অন্তৰ্ভুক্ত কৰা হৈছে। এই কাম ২০২৫ চনৰ ডিচেম্বৰৰ ভিতৰত সম্পূৰ্ণ হ’ব।

২২ জানুৱাৰীৰ অভিষেক অনুষ্ঠানৰ পূৰ্বে মন্দিৰ ট্ৰাষ্টে অযোধ্যাৰ তিনিটা ভিন্ন স্থানত গোপনে নিৰ্মাণ কৰা ৰামলাল্লাৰ প্ৰায় ৭ ফুট উচ্চতাৰ তিনিটা মূৰ্তিৰ ভিতৰত এটা মূৰ্তি বাছনি কৰিব। প্ৰধানমন্ত্ৰী নৰেন্দ্ৰ মোদীৰ উপস্থিতিত এই নিৰ্বাচিত মূৰ্তি মন্দিৰত  স্থাপন কৰা হ’ব আৰু ২৭ জানুৱাৰীৰ পুৱাৰ পিছত ভক্তসকলে ২৫ ফুট দূৰত্বৰ পৰা সেই মূৰ্তি  দৰ্শন কৰিব পাৰিব। আৰু এই মন্দিৰৰ আন এক আলোকীয় কথা  হৈছে প্ৰতি ৰামনৱমীৰ দিনা দুপৰীয়া ১২ বজাত মূৰ্তিটোৰ কপালত সূৰ্যৰ পোহৰ বেঁকাকৈ  প্ৰতিফলিত হ’ব।
FOLLOW US F
POPULAR
FEATURE
TRENDY
ৰাছিয়াৰ সৈতে বাণিজ্য অব্যাহত ৰাখিলে ভাৰতে পৰিণাম ভুগিব লাগিব! আমেৰিকাৰ সকীয়নি
ছালৰ যতন লওক দৈনিক, এই সমূহ অভ্যাসে আপোনাৰ ছাল সুস্থ আৰু উজ্জ্বল কৰি ৰাখিব
ৰমেন দাই পুৱা পিন্ধা কাপোযোৰ গধূলি নিপিন্ধে,মই নাভাবোঁ ৰমেন দা ঘূৰি আহিব: দ্বীপেন বৰুৱা
জে পি দাসলৈ জীৱনজোৰা সংগীত কর্ম বঁটা
নিজৰ মিছাইলৰ পৰাই ধ্বংস হোৱাৰ পৰা কোনোমতে বাচিল পাকিস্তান! পাৰমাণৱিক কেন্দ্ৰৰ ওচৰতে পৰিল শ্বাহীন-৩
কাটিগড়াত গুদাম ঘৰৰ পৰা পৰকীয়া প্ৰেমিক যুগলক আটক
ভাৰতীয় মহিলা দলে ইংলেণ্ডৰ ভূমিত ৰচিলে ইতিহাস ; প্ৰথমখন এদিনীয়া আন্তঃৰাষ্ট্ৰীয় ক্ৰিকেট মেচত জয়ী ভাৰতীয় মহিলা দল
য়েমেনত কেৰালাৰ নাৰ্ছ নিমিষাৰ মৃত্যুদণ্ড স্থগিত
শ্ৰীভূমিত চাঞ্চল্যকৰ ডকাইতি কাণ্ড ; গৃহস্থৰ হাত ভৰি বান্ধি তাণ্ডব ডকাইত দলৰ
এজোপা ঘিলা গছৰ বয়স ৬০০ বছৰ ; গোলাঘাটৰ মাজাৰত অসমৰ আটাইতকৈ পুৰণি গছ
বন্ধ হৈ যাব পাৰে  আপোনাৰ আধাৰ কাৰ্ড ! আধাৰ কাৰ্ডক লৈ জৰুৰী নিৰ্দেশনা জাৰী UIDAIৰ
ডাঙৰ সিদ্ধান্ত! এতিয়াৰ পৰা চৰকাৰী-বেচৰকাৰী বিদ্যালয়ত গীতাৰ পাঠ বাধ্যতামূলক…
তৰমুজ খাই গুটিবোৰ পেলাই দিয়ে নেকি ?
প্রধানমন্ত্রী ধন-ধান্য কৃষি আঁচনিত অনুমোদন