ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীৰ সুৰক্ষাত নিয়োজিত এগৰাকী কমাণ্ডোৰ পানীত বুৰি শোকাৱহ মৃত্যু হোৱাৰ ঘটনাই শোকৰ ছাঁ পেলাইছে। জানিব পৰা মতে মৃত্যুক সাৱটি লোৱা কমাণ্ডোজনে ছুটী লৈ নাছিক জিলাৰ তেওঁৰ গাঁৱলৈ গৈছিল।
এছপিজি কমাণ্ডো গণেশ গীতাই তেওঁৰ নিজৰ গাঁঁও চিন্নাৰ তালুকাৰ মেন্ধিলৈ গৈছিল। বহুদিনৰ মূৰত ঘৰলৈ যোৱা কামাণ্ডো জনে পত্নী, পুত্ৰ আৰু কন্যাৰ সৈতে সাই বাবা মন্দিৰ দৰ্শনৰ বাবে শিৰডীলৈ গৈছিল। কিন্তু ঘৰলৈ ওভতাৰ সময়তে গণেশ গীতাৰ মটৰচাইকেল খন এটা দ’ খালত পৰি যায়।
ফলত কমাণ্ডো গণেশ গীতা , পত্নী আৰু দুই সন্তান পানীত বুৰ যায়। স্থানীয় লোকে ঘটনাস্থলীত উপস্থিত হৈ গীতাৰ পত্নী আৰু পুত্ৰ আৰু শিশু কন্যাক উদ্ধাৰ কৰে যদিও গণেশ গীতা সন্ধানহীন হৈ পৰে। অৱশেষত কমাণ্ডোজনৰ মৃতদেহ প্ৰায় ২১ ঘণ্টা পিছত উদ্ধাৰ হৈছে। এই ঘটনাই সমগ্ৰ এলেকাটোতে শোকৰ ছাঁ পেলাইছে।
Continue Reading
