প্ৰধানমন্ত্ৰী মোদীয়ে কি উপহাৰ দিলে কমলা হেৰিছক?

ডিজিটেল ডেস্ক: প্ৰথমবাৰলৈ হোৱাইট হাউছত এক বৈঠকত মিলিত হয় প্ৰধানমন্ত্ৰী নৰেন্দ্ৰ মোদী আৰু আমেৰিকাৰ উপ-ৰাষ্ট্ৰপতি কমলা হেৰিছ। বৈঠকৰ পাছতে কমলা হেৰিছক প্ৰধানমন্ত্ৰী নৰেন্দ্ৰ মোদীয়ে এক বিশেষ উপহাৰ দিয়ে । ভাৰতীয় মূলৰ কমলা হেৰিছক তেওঁৰ ককাদেউতাকৰ সৈতে সম্পৰ্কিত এক বিশেষ উপহাৰ দিয়ে প্ৰধানমন্ত্ৰী মোদীয়ে। উপহাৰৰ ভিতৰত আছিল কাঠেৰে নিৰ্মিত বিশেষ ফ্ৰেম আৰু মীনাকৰা দবা খেলৰ ছেট।

উল্লেখ্য যে, প্ৰধানমন্ত্ৰী মোদীয়ে বৈঠকত ভাৰত আৰু আমেৰিকাক প্ৰাকৃতিক অংশীদাৰ বুলি অভিহিত কৰিছিল । বৈঠকত দুয়োগৰাকী নেতাই দুয়োখন দেশৰ মাজত কৌশলগত অংশীদাৰিত্ব শক্তিশালী কৰাত গুৰুত্ব দিয়াৰ লগতে পাৰস্পৰিক আৰু গোলকীয় স্বাৰ্থৰ বিষয়সমূহ আলোচনা কৰে ।

উল্লেখ্য যে, হেৰিছৰ ককাদেউতাক পি ভি গোপালন ভাৰতৰ এগৰাকী জ্যেষ্ঠ আৰু সন্মানীয় চৰকাৰী বিষয়া আছিল যি বিভিন্ন পদত কাৰ্যনিৰ্বাহ কৰিছিল। ককাদেউতাকৰ সৈতে সম্পৰ্কিত পুৰণি জাননীৰ এটা প্ৰতিলিপি কাঠৰ হস্তশিল্পৰ ফ্ৰেমত উপস্থাপন কৰি প্ৰধানমন্ত্ৰী নৰেন্দ্ৰ মোদীয়ে হেৰিছক উপহাৰ দিয়ে । ইফালে পুৰণি চহৰ আৰু প্ৰধানমন্ত্ৰীৰ লোকসভা সমষ্টিৰ অন্তৰ্গত বাৰাণসীৰ এক বিখ্যাত শিল্পকলা হৈছে 'গুলাবি মীনাকাৰী' ফালে আমেৰিকা ভ্ৰমণৰ সময়ত অষ্ট্ৰেলিয়াৰ প্ৰধানমন্ত্ৰী স্কট মৰিছনক 'ৰূপালী গুলাবি মীনাকাৰী জাহাজ' উপহাৰ দিয়াৰ লগতে জাপানৰ প্ৰধানমন্ত্ৰী য়োশিহিদে চুগাক এটা চন্দন কাঠৰ বুদ্ধৰ মূৰ্তি উপহাৰ দিয়ে প্ৰধানমন্ত্ৰীয়ে । উল্লেখ্য যে কমলা হেৰিছৰ সৈতে বৈঠকত মিলিত হোৱাৰ উপৰি প্ৰধানমন্ত্ৰী মোদীয়ে অষ্ট্ৰেলিয়াৰ প্ৰধানমন্ত্ৰী স্কট মৰিছন আৰু জাপানৰ প্ৰধানমন্ত্ৰী য়োশিহিদে ছুগাৰ সৈতেও দ্বিপাক্ষিক বৈঠকত মিলিত হয় । ইফালে, এই ভ্ৰমণত আমেৰিকাৰ ৰাষ্ট্ৰপতি জ’ বাইডেনৰ সৈতেও প্ৰথমখন বৈঠকত মিলিত হোৱাৰ লগতে কোৱাড সন্মিলনত অংশগ্ৰহণ কৰিব ভাৰতৰ প্ৰধানমন্ত্ৰী নৰেন্দ্ৰ মোদীয়ে ৷