ডিজিটেল ডেস্ক: ১৭ ছেপ্টেম্বৰত ৭৪ সংখ্যক জন্মদিন পালন কৰিব ভাৰতৰ প্ৰধানমন্ত্ৰী নৰেন্দ্ৰ মোদীয়ে। আজমেৰ শ্বৰীফ দৰগাহে প্ৰধানমন্ত্ৰী নৰেন্দ্ৰ মোদীৰ জন্মদিন উপলক্ষে এক ডাঙৰ ঘোষণা কৰিছে। প্ৰধানমন্ত্ৰী নৰেন্দ্ৰ মোদীৰ জন্মদিন উপলক্ষে ১৭ ছেপ্টেম্বৰত আজমেৰৰ শ্বৰীফ দৰগাহত ৪০০০ কেজি নিৰামিষ খাদ্যৰ প্ৰস্তুত কৰি বিতৰণ কৰা হ’ব বুলি জানিব পৰা গৈছে।
প্ৰধানমন্ত্ৰী নৰেন্দ্ৰ মোদীৰ জন্মদিন আৰু সেৱা পষেকৰ লগত সংগতি ৰাখি আজমেৰৰ দৰগাহ শ্বৰীফত খাদ্য বিতৰণ কৰা হ’ব।৫৫০ বছৰতকৈও অধিক সময় ধৰি দৰগাহৰ সেৱা পষেক পৰম্পৰা চলি আহিছে বুলি সদৰি কৰিছে দৰগাহৰ কাৰ্য্যকৰ্তাসকলে।আজমেৰ শ্বৰীফৰ চৈয়দ আফছান চিষ্টীয়ে সদৰি কৰে যে দেশৰ ধৰ্মীয় স্থানত সেৱা কাৰ্যসূচীৰ আয়োজন কৰা হ’ব প্ৰধানমন্ত্ৰী মোডীৰ জন্মদিনটোত। চৈয়দ আফছান চিষ্টীয়ে কয় যে প্ৰধানমন্ত্ৰী গৰাকীৰ জন্মদিনত আমিও দীৰ্ঘায়ু কামনা কৰিছো। ইণ্ডিয়ান মাইনোৰিটি ফাউণ্ডেশ্যন আৰু আজমেৰ শ্বৰীফৰ চিষ্টি ফাউণ্ডেশ্যনৰ উদ্যোগত এই সেৱা কাৰ্যসুচী গ্ৰহণ কৰা হৈছে বুলি সদৰি কৰিছে।
দৰগাহৰ কাৰ্য্যকৰ্তাসকলে কয় যে সমগ্ৰ প্ৰক্ৰিয়াটো পৰম শ্ৰদ্ধা আৰু আদৰৰে কৰা হ’ব। বিশেষ দিনটোত প্ৰধানমন্ত্ৰী নৰেন্দ্ৰ মোডীৰ শান্তি, সমৃদ্ধি আৰু মংগলাৰ্থে প্ৰাৰ্থনা কৰা হ’ব। উল্লেখযোগ্য যে ১৭ ছেপ্টেম্বৰত প্ৰধানমন্ত্ৰী নৰেন্দ্ৰ মোদীৰ জন্মদিনত সুভদ্ৰা আঁচনিৰ অধীনত প্ৰথম কিস্তিৰ ধন পৰিশোধ কৰিব বুলিও জানিব পৰা গৈছে৷
Continue Reading
