ডিজিটেল ডেস্ক: অলপতে প্ৰধানমন্ত্ৰীৰ অফিচিয়েল ৱেবছাইটে প্ৰকাশ কৰে নৰেন্দ্ৰ মোডীৰ সম্পত্তিৰ তালিকা৷ এই তালিকা অনুসৰি প্ৰধানমন্ত্ৰী নৰেন্দ্ৰ মোদীৰ অস্থাৱৰ সম্পত্তিৰ মূল্য ২০২১-২২ চনত ২৬.১৩ লাখ টকা বৃদ্ধি পাইছে। আনফালে গুজৰাটত এক আৱাসী ভূমি দানৰ পিছতেই এতিয়া তেওঁৰ কোনো সম্পত্তিৰ মালিক নহয় বুলি পি এম অ’ ৱেবছাইটে স্পষ্টীকৰণ দিয়ে৷
চলিত বৰ্ষৰে ৩১ মাৰ্চত প্ৰকাশিত তথ্য অনুসৰি প্ৰধানমন্ত্ৰীজনৰ স্থাৱৰ সম্পত্তিৰ মূল্য আছিল ১,৯৭,৬৮,৮৮৫ টকা৷ ২০২১ চনত তেওঁৰ সম্পত্তিৰ মূল্য আছিল ২,২৩,৮২,৫০৪ টকা৷তেওঁৰ এই সম্পত্তি সমূহ বেংক জমা, জীৱন বীমা, ৰাষ্ট্ৰীয় জমা প্ৰমাণপত্ৰ, নগদ ধন, আ-অলংকাৰ আদি ৰূপত আছে৷
এই অফিচিয়েল ৱেবচাইটটোৱে উল্লেখ কৰিছে যে প্ৰধানমন্ত্ৰীৰ সম্পত্তিৰ পৰিমাণ হৈছে - “শূন্য”৷
প্ৰকাশিত তথ্য অনুসৰি এই সম্পত্তি সমূহ প্ৰধানমন্ত্ৰীজনে ২০০২ চনৰ ২৫ অক্টোবৰত আন তিনিজন মালিকৰ সৈতে যুটীয়াভাৱে লাভ কৰছিল৷ আজিৰ পৰা ২০ বছৰ পূৰ্বে এই সম্পত্তিৰ মূল্য আছিল ১,৩০,৪৮৮ টকা আৰু সেই ধনৰাশি বৃদ্ধি পাই ২,৪৭,২০৮ টকা হৈছে৷
প্ৰধানমন্ত্ৰীৰ সম্পত্তিৰ তালিকা বিশ্লেষণ কৰি জানিব পৰা গৈছে যে তেওঁৰ হাতত নগদ ধনৰ পৰিমাণ হ্ৰাস পাইছে৷ বিগত বৰ্ষৰ ৩৬,৯০০ টকাৰ পৰা বৰ্তমান নগদ ধন হৈছেগৈ ৩৫,২৫০ টকা। লগতে তেওঁৰ বেংকত সঞ্চিত ধনৰ পৰিমাণ ৪৬,৫৫৫ টকাৰ পৰা ১,৫২,৪৮০ টকা হৈছেগৈ৷
প্ৰধানমন্ত্ৰীৰ ৰাষ্ট্ৰীয় চেভিংচ চাৰ্টিফিকেটৰ মূল্য ৯,০৫,১০৫ ৰ পৰা ৮,৯৩,২৫১ লৈ বৃদ্ধি পাইছে। একেসময়তে তেওঁৰ জীৱন বীমা সমূহৰ মূল্য ১,৫০,৯৫৭ ৰ পৰা ১,৮৯,৩০৫ টকালৈ বৃদ্ধি হৈছে৷
প্ৰধানমন্ত্ৰীৰ অফিচিয়েল ৱেবচাইটে নৰেন্দ্ৰ মোদীৰ উপৰিও আন দহজন কেন্দ্ৰীয় মন্ত্ৰীৰ সম্পত্তিৰ তালিকা প্ৰকাশ কৰিছে৷ এই মন্ত্ৰী সকলৰো সম্পত্তিৰ পৰিমাণ পূৰ্বতকৈ যথেষ্ট বৃদ্ধি পোৱা দেখা গৈছে৷
Continue Reading
