ডিজিটেল ডেস্কঃ প্ৰধানমন্ত্ৰী নৰেন্দ্ৰ মোদীৰ নিৰাপত্তাৰ দায়িত্বতত থকা এছপিজিৰ মুৰব্বী অৰুণ কুমাৰ সিনহা আৰু নাই। বিশেষ সুৰক্ষা গোটৰ (এছপিজি) সঞ্চালক অৰুণ কুমাৰ সিনহাৰ বুধবাৰে হাৰিয়ানাৰ গুৰুগ্ৰামৰ এখন ব্যক্তিগত চিকিৎসালয়ত মৃত্যু হয়৷ মৃত্যুৰ সময়ত তেওঁৰ বয়স হৈছিল ৬১ বছৰ।
তেওঁ ২০১৬ চনৰ পৰা এছপিজিৰ মুৰব্বী হিচাপে কাৰ্যনিৰ্বাহ কৰি আছিল আৰু প্ৰধানমন্ত্ৰী নৰেন্দ্ৰ মোদী আৰু কেইবাগৰাকীও প্ৰাক্তন প্ৰধানমন্ত্ৰীৰ নিৰাপত্তাৰ দায়িত্বত আছিল৷ তেওঁৰ কাৰ্যকাল অলপতে বৃদ্ধি কৰা হৈছিল। ৬১ বছৰীয়া বিষয়াজনে যোৱা কেইমাহমান ধৰি যকৃত সম্পৰ্কীয় ৰোগৰ চিকিৎসা কৰি আছিল। সিনহা ১৯৮৭ চনৰ কেৰালা কেডাৰৰ আইপিএছ আছিল ।
এছপিজিৰ মুৰব্বী হিচাপে নিযুক্ত হোৱাৰ পূৰ্বে সিনহা কেৰালাৰ অতিৰিক্ত আৰক্ষী সঞ্চালক প্ৰধান (বিশেষ সেৱা আৰু যান-বাহন) আছিল৷ চলিত বৰ্ষৰ ৩০ মে'ত এছপিজিৰ মুৰব্বী হিচাপে সিনহাৰ অৱসৰৰ দিন আছিল যদিও তাৰ এদিন আগতে প্ৰধানমন্ত্ৰী মোদীৰ নেতৃত্বত কেবিনেটৰ নিযুক্তি সমিতিয়ে তেওঁৰ এবছৰৰ বাবে কাৰ্যকাল বৃদ্ধিত প্ৰস্তাৱত অনুমোদন জনাইছিল৷সিনহাৰ মৃত্যুত বহুতে শোক প্ৰকাশ কৰিছে।
Continue Reading
