ডিজিটেল ডেস্কঃ ১০ বছৰৰ পাছত উত্তৰ প্ৰদেশৰ বলিয়া জিলাৰ এগৰাকী মহিলাৰ লগত এনে এটা ঘটনা ঘটিল, যিটো কোনো অলৌকিক ঘটনাৰ পৰা কম নহয়। মহিলাগৰাকীয়ে জিলা চিকিৎসালয়লৈ গৈ থাকোঁতে, ভিক্ষাৰী এজনক দেখা পালে। ভিক্ষাৰীজনক সাৱটি ধৰি তাই তিক্তভাৱে কান্দিবলৈ ধৰিলে। তাৰ পাছত ভিক্ষাৰীজনক ৰাস্তাৰ দাঁতিত বহিবলৈ দিয়াৰ পাছত কেতিয়াবা আদৰ কৰিছিল আৰু কেতিয়াবা চুলি আছুৰি কৰিছিল।শেষত সকলো ঘটনা বিৱৰণৰ পাছত গম পোৱা গ’ল যে ভিক্ষাৰীজন মহিলাগৰাকীৰ স্বামীৰ বাহিৰে আন কোনো নহয়৷
১০ বছৰৰ মূৰত বিচ্ছিন্ন স্বামীক বিচাৰি পাই আনন্দিত হৈ পৰে মহিলাগৰাকী।তেওঁৰ সুখেৰ চকুলো ওলাই আহিছিল। এতিয়া এই ঘটনাৰ ভিডিঅ’ ছ’চিয়েল মিডিয়াত ভাইৰেল হৈ পৰিছে।
দেৱকালী থানা এলেকাৰ অন্তৰ্গত সুখপুৰাৰ বাসিন্দা জানকী দেৱীৰ ২১ বছৰ পূৰ্বে মতিচন্দ্ৰ বাৰ্মা নামৰ এজন ব্যক্তিৰ সৈতে বিবাহপাশত আবদ্ধ হৈছিল। বিয়াৰ পাছত মতিৰ স্বাস্থ্যৰ অৱনতি ঘটিবলৈ ধৰিলে। ১০ বছৰ আগতে মতিয়ে কাকো খবৰ নিদিয়াকৈ ঘৰৰ পৰা ওলাই আহিছিল। পৰিয়ালৰ লোকে বহু বিচাৰ কৰিলেও একো সূংসূত্ৰ পোৱা নগ’ল।
শুকুৰবাৰে জিলা চিকিৎসালয়লৈ গৈ আছিল জানকী। তেতিয়া তেওঁৰ চকু এজন ভিক্ষাৰীৰ ওপৰত পৰিল। ভিক্ষাৰীজনক মহিলাগৰাকীৰ স্বামী বুলি চিনি পালে। কিন্তু তেওঁৰ চকুকেইটাক বিশ্বাস কৰিব পৰা নাছিল। তেওঁ মতিক সাৱটি ধৰি কান্দিবলৈ ধৰিলে। তাৰ পাছত ৰাস্তাৰ দাঁতিত বহিবলৈ দিলে।
জানকীয়ে কান্দি কান্দি সন্তান আৰু পৰিয়ালক কয় যে মতি জীয়াই আছে আৰু পোৱা গৈছে। কিছু সময়ৰ পাছত পৰিয়ালৰ লোকসকলো আহিল। পুৰণি ফটোখনৰ লগত মিলাই কনফাৰ্ম কৰিলে। জানকীয়ে কয় যে ১০ বছৰৰ তপস্যাই ফল পাইছে। এইটো এটা অলৌকিকতাতকৈ কম নহয়। স্বামী হঠাৎ এনেদৰে আহিব বুলি তেওঁ কেতিয়াও ভবা নাছিল।
Continue Reading
