পৰীক্ষা দি ঘৰলৈ আহি থাকোতে ট্ৰাকে মহতিয়ালে তিনি ভাতৃ-ভগ্নীক;থিতাতে মৃত্যু

ডিজিটেল ডেস্কঃ এক শোকাৱহ পথ দুৰ্ঘটনাত প্ৰাণ হেৰুৱালে এজন ছাত্ৰ আৰু দুগৰাকী ছাত্ৰীয়ে। সম্পৰ্কত তিনিও ভাই-ভনী। দশম শ্ৰেণীৰ পৰীক্ষা দি ঘৰলৈ আহি থকা অৱস্থাত সংঘটিত হোৱা এক পথ দুৰ্ঘটনাত তিনিওৱে থিতাতে হেৰুৱালে প্ৰাণ। মধ্য প্ৰদেশত ৰেৱাত সংঘটিত হৈছে এই দুৰ্ঘটনাটো।মৃত্যু হোৱা তিনিওজনক তাজ আনছাৰী, ৰাণু আনছাৰী আৰু ইস্মা আনছাৰী বুলি চিনাক্ত কৰা হৈছে।জানিব পৰা অনুসৰি, দশম শ্ৰেণীৰ চূড়ান্ত পৰীক্ষা দি ঘৰলৈ বাইকেৰে উভতি আহি থকা অৱস্থাতে বিপৰীত দিশৰ পৰা অহা এখন ট্ৰাকে তেওঁলোকক খুন্দিয়ায়।তিনিওজনৰ ঘটনাস্থলীতে মৃত্যু হৈছিল। ঘটনাৰ খবৰ লাভ কৰাৰ লগে লগে ঘটনাস্থলীত আৰক্ষী উপস্থিত হৈ মৃতদেহকেইটা সংগ্ৰহ কৰি মৰণোত্তৰ পৰীক্ষাৰ বাবে ওচৰৰে হাস্পতাললৈ প্ৰেৰণ কৰে। দুৰ্ঘটনাটোৰ পাছত মানুহে পথ অৱৰোধ কৰে।দুৰ্ঘটনা সংঘটিত কৰা ট্ৰাকখনৰ চালকজনক গ্ৰেপ্তাৰ কৰাৰ লগতে বাহনখনো জব্দ কৰা বুলি আৰক্ষীয়ে জানিবলৈ দিয়ে। আৰু পঢ়কঃ আপোনাৰ পাইলচ আছে নেকি? ভুলতো নাখাব এইবোৰ খাদ্য, স্বাস্থ্যৰ হ’ব বিষম পৰিণতি