ডিজিটেল ডেস্কঃ পাটনা আইন মহাবিদ্যালয়ত সংঘটিত হৈছে এক ভয়ংকৰ ঘটনা এদল দুষ্কৃতিকাৰীয়ে এজন ছাত্ৰক প্ৰহাৰ কৰি হত্যা কৰাৰ ঘটনাই তীব্ৰ প্ৰতিক্ৰিয়াৰ সৃষ্টি কৰিছে। আইন মহাবিদ্যালয়লৈ পৰীক্ষাত বহিবলৈ আহিছিল বিএন কলেজৰ ছাত্ৰগৰাকী। পৰীক্ষা শেষ হোৱাৰ পিছত তেওঁক আক্ৰমণ কৰা বুলি অভিযোগ উঠিছে। মহাবিদ্যালয় চৌহদত সংঘটিত হোৱা নৃশংস হত্যাকাণ্ডই জোকাৰি গৈছে সমগ্ৰ বিহাৰক।
আৰক্ষীয়ে ঘটনা সন্দৰ্ভত তদন্ত আৰম্ভ কৰিছে । আৰক্ষীৰ সূত্ৰই প্ৰকাশ কৰা অনুসৰি মৃত ২২ বছৰীয়া হৰ্ষ কুমাৰৰ ঘৰ বৈশালী জিলাৰ। তেওঁ বি এন কলেজৰ ছাত্ৰ। পৰীক্ষা দিবলৈ নিৰ্দিষ্ট সময়ত পাটনা আইন মহাবিদ্যালয়ত উপস্থিত হৈছিল তেওঁ । তেওঁ পৰীক্ষা হলৰ পৰা ওলাই অহাৰ সময়তে দুৰ্বৃত্তই তেওঁক আক্ৰমণ কৰে। । সংকটজনক অৱস্থাত তেওঁক পাটনা চিকিৎসা মহাবিদ্যালয়লৈ লৈ যোৱা হয় যদিও চিকিৎসকে কয় যে ছাত্ৰজনৰ ইতিমধ্যে মৃত্যু হৈছে।
পুৰণি শত্ৰুতাৰ বাবেই এই হত্যাকাণ্ড সংঘটিত হৈছে বুলি সন্দেহ কৰা হৈছে। । পাটনাৰ অতিৰিক্ত আৰক্ষী অধীক্ষক শৰৎ আৰ এছে জনোৱা মতে ঘটনা সন্দৰ্ভত তদন্ত আৰম্ভ কৰা হৈছে। মহাবিদ্যালয় চৌহদৰ চিচিটিভি ফুটেজ চাই আৰক্ষীয়ে দোষীক চিনাক্ত কৰিছে। উত্তেজনাপূৰ্ণ পৰিস্থিতিৰ বাবে কেম্পাছত মোতায়েন কৰা হৈছে আৰক্ষী।
Continue Reading
