প্ৰেমিকক বিয়া পতাৰ পাং… গেং ৰেপৰ ভুৱা গোচৰ দি যুৱতীয়ে নগুৰ-নাকটি কৰিলে আৰক্ষীক

ডিজিটেল ডেস্ক : নাৰী নিৰ্যাতনৰ ঘটনাই প্ৰায় প্ৰতিদিনেই দেশত সংবাদ শিৰোনাম দখল কৰি আহিছে। বহু পৈশাচিক প্ৰবৃত্তিৰ লোকৰ বিকৃত কামনাৰ বলি হৈ আহিছে ভালেমান নাৰী। সেয়েহে এই সম্পৰ্কীয় অভিযোগক আৰক্ষী, আইন-আদালতে সম্প্ৰতি অতি গভীৰভাৱে ল’বলৈ আৰম্ভ কৰিছে আৰু এনে দুষ্কাৰ্য সংঘটিত কৰা লোকৰ বিৰুদ্ধে কঠোৰতাও প্ৰদৰ্শন কৰিছে। কিন্তু যদিহে ইয়াৰ সুযোগ গ্ৰহণ কৰি একাংশ নাৰীয়ে নিজৰ স্বাৰ্থসিদ্ধিৰ চেষ্টা কৰে তথা নিজৰ অসৎ উদ্দেশ্য পূৰণৰ চেষ্টা কৰে তেন্তে তাক কি বুলি কোৱা যাব? তেনে এটা ঘটনাই এইবাৰ সংঘটিত হৈছে। গেং ৰেপৰ ভুৱা অভিযোগেৰে এগৰাকী ১৯বছৰীয়া যুৱতীয়ে আৰক্ষীক নাকত ধৰি চাকত ঘুৰোৱাৰ এটা ঘটনা শেহতীয়াকৈ পোহৰলৈ আহিছে।

আৰক্ষীয়ে আজি এই বিষয়ে প্ৰকাশ কৰে আৰু চাঞ্চল্যকৰ ঘটনাটোৰ বিষয়ে বিতং বৰ্ণনা কৰে। দলবদ্ধ ধৰ্ষণৰ বলি হোৱা বুলি মিছা অভিযোগ দাখিল কৰি ১৯বছৰীয়া যুৱতীগৰাকীয়ে নাগপুৰ আৰক্ষীক সম্পূৰ্ণ এটা দিন ব্যতিব্যস্ত কৰাৰ ঘটনাই তীব্ৰ চাঞ্চল্যৰ সৃষ্টি কৰিছে। যুৱতীগৰাকীয়ে তেওঁৰ প্ৰেমিকক বিয়া পতাৰ বাবে বাধ্য কৰি তুলিবলৈ এই নাটক ৰচা বুলি পাছত পোহৰলৈ আহে। যুৱতীগৰাকীৰ অভিযোগক অতি ছিৰিয়াছলী লৈ নাগপুৰ আৰক্ষীয়ে তীব্ৰ অভিযান আৰম্ভ কৰে।

নাগপুৰৰ আৰক্ষী আয়ুক্ত অমিতেশ কুমাৰসহ কেইবগৰাকীও জ্যেষ্ঠ আৰক্ষী বিষয়া আৰু প্ৰায় ১০০০আৰক্ষীৰ লোকে ঘটনাৰ তদন্তত তীব্ৰ গতিত ব্যস্ত হৈ পৰে। সোমবাৰে যুৱতীগৰাকীয়ে কালামনা আৰক্ষী থানাত দিনৰ প্ৰায় ১১বজাত এই অভিযোগ দাখিল কৰিছিল। আৰক্ষীয়ে প্ৰায় চহৰখনৰ প্ৰায় ২৫০টা চিচিটিভি ফুটেজ পৰীক্ষা কৰাৰ পাছত নিশ্চিত হয় যে, যুৱতীগৰাকীয়ে গেং ৰেপৰ ভুৱা কাহিনী ৰচনা কৰিছিল। পাছত যুৱতীগৰাকীয়ে আৰক্ষীৰ আগত স্বীকাৰোক্তি দিয়ে যে, তেওঁ নিজৰ প্ৰেমিকক বিয়া পতাৰ বাবে এই নাটক ৰচনা কৰিছিল। পিছে তেওঁ আৰক্ষীৰ আগত প্ৰথমে অভিযোগ দিছিল যে, দুজন লোকে নাগপুৰৰ চিখালী এলেকাত তেওঁ দলবদ্ধ বলাৎকাৰ কৰিছিল।

আৰু পঢ়কঃ কৰীণাৰ দেহত কৰ’না! অনিল কাপুৰৰ কন্যাৰ পাৰ্টিত কৰিছিল অংশগ্ৰহণ