ডিজিটেল ডেস্ক: ডিগবৈ আৰক্ষীৰ নিয়মীয়া ড্ৰাগছ বিৰোধী অভিযানত ড্ৰাগছসহ এজন ড্ৰাগছ সৰবৰাহকাৰীক আটক কৰিবলৈ সক্ষম হয় ডিগবৈ আৰক্ষী।
ডিগবৈ আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰাঞ্জল চেতিয়াৰ নেতৃত্বত গোপন তথ্যৰ ভিত্তিত চলোৱা অভিযানত ডিগবৈ পাঞ্জাৱ নেছনেল বেংকৰ সমীপৰ পৰা ডিগবৈ ৰামনগৰৰ বিপিন দহোটীয়া(৩০)ক কৌশলেৰে আটক কৰিবলৈ সক্ষম হয়।
বিপিনৰ কবলৰ পৰা ৮.৪৬ গ্ৰাম সন্দেহযুক্ত ড্ৰাগছ সহ নগদ ৩৭৮৫/- টকা জব্দ কৰে আৰক্ষীয়ে।
বিপিনে কোনো ড্ৰাগছ আসক্তক বিক্ৰী কৰিবৰ বাবে অপেক্ষা কৰি থাকোতেই ডিগবৈ আৰক্ষীয়ে আটক কৰিবলৈ সক্ষম হয়।
ঘটনাস্থলীত ডিগবৈ আৰক্ষীয়ে ড্ৰাগছ ব্যৱসায়ীটোৰ ওপৰত যাৱতীয় আইনী ব্যৱস্থা গ্ৰহণ কৰিছে।
Continue Reading
