ডিজিটেল ডেস্ক: গোসাঁইগাঁৱৰ শ্ৰীৰামপুৰত বৃহৎ পৰিমাণৰ চেগুন কাঠ জব্দ। শ্ৰীৰামপুৰ তালাচী চকীত NL 04 AA 1290 নম্বৰৰ এখন ট্ৰাকত অভিযান চলাই বৃহৎ পৰিমাণৰ চেগুন কাঠ জব্দ কৰিবলৈ সক্ষম হয় শিমুলটাপু আৰক্ষীয়ে।
খৰিৰ তলত লুকুৱাই আনিছিল মূল্যৱান কাঠসমূহ। জব্দকৃত কাঠৰ ওজন প্ৰায় ৩৬ টন হ'ব বুলি চালকে প্ৰকাশ কৰিছে।
নাগালেণ্ডৰ পৰা নাগপুৰলৈ কাঠখিনি লৈ যোৱাৰ কথা আছিল বুলি জানিব পৰা গৈছে। এই ঘটনাৰ সৈতে জড়িত থকাৰ অভিযোগত বিহাৰৰ মিৰ্জাপুৰৰ বাসিন্দা নৌছাৎ খান আৰু কালখি খানক গ্ৰেপ্তাৰ কৰিছে আৰক্ষীয়ে।
কাঠ সৰবৰাহৰ সৈতে জড়িত চোৰাং ব্যৱসায়ীসকলৰ বিৰুদ্ধে আৰক্ষীয়ে জেৰা অব্যাহত ৰাখিছে।
Continue Reading
