ডিজিটেল ডেস্ক: বাক্সাৰ শালবাৰীৰ নৰসিংহবাৰীত অঘটন। পল্লা নৈত সলিল সমাধি দুই কিশোৰৰ, খেলিবলৈ আহি গা ধুবলৈ নামিছিল নৈত।
নিহত কিশোৰ দুজন বজালীৰ সৰুপেটাৰ দিগন্ত কলিতা আৰু মুন দাস বুলি জানিব পৰা গৈছে।
জানিব পৰা মতে, সৰুপেটাৰ পৰা দুখন চাইকেলত তিনিজন কিশোৰে ফুটবল খেলাৰ উদ্দেশ্যে নৰসিংহবাৰীলৈ আহিছিল। পিছত কিশোৰ তিনিজনৰ দুজন পল্লা নৈত গা ধুবলৈ নামে। কিছু সময়ৰ পাছত পানীত নিখোজ হৈ পৰে কিশোৰদ্বয়।
ঘটনাৰ খবৰ পাই স্থানীয় ৰাইজে তৎপৰতাৰে উদ্ধাৰ অভিযান চলাই পানীৰ পৰা কিশোৰ দুজনক মৃত অৱস্থাত উদ্ধাৰ কৰে।
ঘটনাক কেন্দ্ৰ কৰি সমগ্ৰ অঞ্চলটোত শোকাকুল পৰিৱেশে বিৰাজ কৰিছে।
ঘটনাস্থলীত শালবাৰী মহকুমা আৰক্ষী বিষয়া, শালবাৰী থানাৰ আৰক্ষী বিষয়া,আনন্দ বজাৰ উপ-আৰক্ষী চকীৰ বিষয়া আৰু গোৱৰ্দ্ধনা আৰক্ষী উপস্থিত হৈ ঘটনাৰ বুজ লোৱাৰ লগতে প্ৰয়োজনীয় ব্যৱস্থা গ্ৰহণ কৰিছে।
ঘটনাটোক লৈ আৰক্ষীয়ে তদন্ত অব্যাহত ৰাখিছে।
Continue Reading
