ডিজিটেল ডেস্কঃ প্ৰেমৰ সম্পৰ্কত থাকোতে প্ৰেমিক-প্ৰেমিকাই ইজনে সিজনক ভালৰো ভাল বস্তু উপহাৰ দিব বিচাৰে। ডেটিঙত গৈ সময় কৰে মধুৰ। এটা প্ৰেম কাহিনীৰ কথা পোহৰলৈ আহিছে যি কাহিনী শুনি মানুহৰ চকু কপালত উঠিছে। এহাল প্ৰেমিক-প্ৰেমিকাৰ হঠাতে প্ৰেমৰ বিচ্ছেদ ঘটিল। ব্ৰেকআপৰ বাবে দুয়োৰে সম্পৰ্ক ইমানেই বেয়া হৈ পৰিল যে প্ৰেমিকজনে প্ৰেমিকাৰ নামত খৰচ কৰা টকাবোৰ ঘূৰাই বিচাৰে। আনকি তেওঁ ডেটিঙৰ সময়ত প্ৰেয়সীক খাবলৈ দিয়া চিপছ আৰু পানীৰ দামো ঘূৰাই বিচাৰে। মুঠ ৭ লাখ টকাৰ বিল বনায় প্ৰেয়সীক দিয়ে যুৱকজনে। যুৱকজনে এখন 'ব্ৰেকআপ লিষ্ট' বনাই ছোৱালীজনীৰ বাবে খৰচ কৰা প্ৰতিটো টকাৰ পাই পাই হিচাপ ঘূৰাই বিচাৰে।যুৱকজনে সম্পূৰ্ণ ৩ পৃষ্ঠাৰ 'ব্ৰেকআপ লিষ্ট' বনায়।
খবৰ অনুসৰি, ল’ৰাজনে যোৱা এবছৰ ধৰি এজনী ছোৱালীৰ লগত ডেটিং কৰি আছিল। কিন্তু এবছৰৰ ভিতৰতে দুয়োৰে মাজত কথাবোৰ বেয়া হ’বলৈ ধৰিলে আৰু দুয়োৰে সম্পৰ্ক ভাঙি যোৱাৰ উপক্ৰম হ’ল। ইয়াৰ পিছতেই ছোৱালীজনীয়ে ল’ৰাটোৰ লগত বিচ্ছেদ ঘটায়। ব্ৰেকআপৰ পিছত ল'ৰাজনে মুঠ ৩ পৃষ্ঠাৰ কম্পিউটাৰাইজড ব্ৰেকআপ লিষ্ট প্ৰস্তুত কৰে।
প্ৰেমৰ সম্পৰ্কৰ সময়ত খৰচ কৰা প্ৰতিটো দিনৰ টকাৰ হিচাপ লিখি ছোৱালীজনীলৈ পঠিয়াই দিয়ে যুৱকজনে।ল'ৰাটোৱে তাত প্ৰতিটো সৰু সৰু খৰচ অন্তৰ্ভুক্ত কৰিবলৈ নাপাহৰিলে। দামী দামী উপহাৰৰ পৰা পানীৰ বটল, চিপছ, লান্স,ডিনাৰ,কফি, পেট্ৰ’লত কিমান খৰচ হ’ল সেই কথা লিখিবলৈ নাপাহৰিলে বিৰহী প্ৰেমিকজনে। পৰিতাপৰ কথাটো হ’ল যুৱকজনে আনকি ছোৱালীজনীৰ মাতৃৰ চিকিৎসালয়ত ভৰ্তি হোৱা খৰচ আৰু মৃত্যুৰ পিছত কৰা অন্ত্যেষ্টিক্ৰিয়াৰ বাবেও খৰচ কৰা ধন উভতাই বিচাৰিছে। এই প্ৰেম কাহিনী চীনৰ চাংহাইৰ। যি ঘটনাই চীনৰ সংবাদ শিৰোনাম দখল কৰিছে।
Continue Reading
