ডিজিটেল ডেস্কঃ এগৰাকী মহিলাৰ বাবে এক ভয়ংকৰ দুৰ্ঘটনাৰ পৰা ৰক্ষা পৰিল যাত্ৰীবাহী ৰে’ল। কি কৰিলে মহিলাগৰাকীয়ে? ওমৱতী নামৰ ৭০ বছৰীয়া মহিলাগৰাকীয়ে পথাৰলৈ কাম কৰিবলৈ ৰে’লপথেৰে খোজ কাঢ়ি আহি থকাৰ সময়তে দেখে যে ৰে’লপথৰ ট্ৰেকত আছে এটা প্ৰকাণ্ড ফাঁট। তেওঁ সেই ফাঁট দেখিয়ে বুজিলে যে ৰে'ল পাৰ হলেই এই স্থানত এক ভয়ংকৰ দুৰ্ঘটনা হোৱাটো নিশ্চিত।
এখন ৰে’ল আহি থকাৰ উমান পায় ওমৱতীৱে। ৰে’লখন ৰক্ষা কৰিবলৈ তেওঁ অলপ সময়ো অপব্যৱহাৰ নকৰিলে। তেওঁ লগালগ পিন্ধি থকা ৰঙা ৰঙৰ শাৰীখন খোলে আৰু গছৰ দুটা ঠালৰ সহায়ত ৰে’লপথৰ ওপৰত শাৰীখন আঁৰি দিয়ে। ৰেলপথত ৰঙা ৰং দেখি এখন যাত্ৰীবাহী ৰে’লৰ পাইলটে বিপদৰ সংকেত পাই ৰে’লখন ৰখায় আৰু ৰে’লপথ পৰীক্ষা কৰি দেখে যে সেই স্থানত আছে এটা প্ৰকাণ্ড ফাঁট।
ৰে'ল বিষয়াসকলক এই বিষয়টো অৱগত কৰা হয়। ৰেল কৰ্মচাৰী আহি ট্ৰেকটো মেৰামতিৰ কাম আৰম্ভ কৰে আৰু ৰে’লপথ মেৰামতিৰ আধা ঘণ্টা পাছত পুনৰ যাত্ৰা আৰম্ভ কৰে যাত্ৰীবাহী ৰে’লখনে।
এই ঘটনা সংঘটিত হৈছে উত্তৰ প্ৰদেশৰ ইটাহ জিলাত। জিলাখনৰ আভাগড় খণ্ডৰ গুলেৰিয়া গাঁৱৰ সমীপৰ ৰে’লপথত সংঘটিত হয় এই ঘটনা। ইটাহৰ পৰা টুণ্ডলা অভিমুখী এখন যাত্ৰীবাহী ৰে’লক ভয়ংকৰ দুৰ্ঘটনাৰ পৰা ৰক্ষা কৰিলে ওমৱতীৱে। ওমৱতীৰ এই সাহস আৰু বুদ্ধিমত্তাৰ সকলোৱে শলাগ লৈছে। ছচিয়েল মিডিয়াতো উচ্চ প্ৰশংসিত হৈছে ওমৱতী
Continue Reading
