ডিজিটেল ডেস্ক: উচ্চতম ন্যায়ালয়ৰ মুখ্য ন্যায়াধীশ এন.ভি ৰমনাই ১ এপ্ৰিলত অনুসন্ধানকাৰী সংস্থা ‘চিবিআই’ৰ কাৰ্যকলাপ আৰু নিষ্ক্ৰিয়তাৰ জৰিয়তে প্ৰায়ে সংস্থাটোৰ বিশ্বাসযোগ্যতাৰ ওপৰত প্ৰশ্ন উত্থাপন হৈ আহিছে বুলি মন্তব্য কৰিছিল৷ কেন্দ্ৰীয় সংস্থাটোৰ এক অনুষ্ঠানত ভাষণ দি তেওঁ লগতে পৰামৰ্শ দি কৈছিল যে সময়ৰ আহ্বান হৈছে সামাজিক বৈধতা আৰু ৰাজহুৱা বিশ্বাস পুনৰুদ্ধাৰ কৰা আৰু ইয়াৰ প্ৰথম পদক্ষেপ হৈছে ৰাজনৈতিক আৰু কাৰ্যবাহীৰ সৈতে সম্পৰ্ক ভংগ কৰা৷
আৰু এইবাৰ মুখ্য ন্যায়াধীশক উভতি ধৰিছে কেন্দ্ৰীয় আইন মন্ত্ৰী কিৰেন ৰিজিজুৱে কয়, চিবিআই আৰু ‘পিঞ্জৰাবদ্ধ ভাটৌ’ নহয়৷ দেওবাৰে এক টুইটযোগে ৰিজিজুৱে কয়, চিবিআই এতিয়া আৰু পিঞ্জৰাবদ্ধ ভাটৌ নহয়৷ কিন্তু, ভাৰতৰ শীৰ্ষ অপৰাধ অনুসন্ধানকাৰী সংস্থা হিচাপে চিবিআই-এ সঁচাকৈয়ে নিজৰ কৰ্তব্য পালন কৰি আছে৷
শনিবাৰে চিবিআইৰ তদন্তকাৰী বিষয়াসকলৰ প্ৰথম সন্মিলনত ৰিজিজুৱে তেওঁৰ ভাষণৰ এটা চমু ভিডিঅ’ শ্বেয়াৰ কৰে। ভাষণ প্ৰসংগত ৰিজিজুৱে কয় যে, এটা সময় আছিল, মোৰ ভালদৰে মনত আছে যে চৰকাৰত বহি থকা লোকসকল, কেতিয়াবা তেওঁলোক তদন্তত সমস্যা হৈ পৰে।
তেওঁ কয় যে আজি এজন প্ৰধানমন্ত্ৰী আছে যিয়ে নিজেই দুৰ্নীতিবিৰোধী যুদ্ধত মুখ্য ভূমিকা পালন কৰি আছে৷
মন্ত্ৰীগৰাকীয়ে লগতে কয়, যেতিয়া ক্ষমতাত থকা লোকসকল দুৰ্নীতিত জড়িত হয় তেতিয়া মই অসুবিধাবোৰ জানো৷ তেতিয়া আমি অতীতত ন্যায়পালিকাৰ পৰা কিছুমান অনাস্বাদিত মন্তব্য শুনিছিলোঁ। আমি এতিয়া বহুদূৰ আগবাঢ়িছোঁ৷ উল্লেখযোগ্য যে, ২০১৩ চনত কয়লাক্ষেত্ৰ আৱণ্টন গোচৰৰ শুনানিৰ সময়ত, উচ্চতম ন্যায়ালয়ে চিবিআইক ‘পিঞ্জৰাবদ্ধ ভাটৌ’ বুলি বৰ্ণনা কৰিছিল।
Continue Reading
